વડોદરા
વડોદરાના ગોત્રી રોડ સેવાસી ખાતે આવેલી એસબીઆઈ બેંકનાં બે એટીએમમાં રાત્રે દોઢ વાગ્યાના સુમારે ભીષણ આગ લાગી હતી. એટીએમ મશીનમાં આગ લાગતાં ગામ લોકો સ્થળ પર દોડી ગયા હતા. એ સાથે આગના બનાવની જાણ ફાયરબ્રિગેડને થતાં લાશ્કરો સ્થળ પર દોડી ગયા અને પાણીનો મારો ચલાવી આગ કાબૂમાં લીધી હતી. જાેકે આગ કાબૂમાં આવે એ પહેલાં એટીએમ મશીનો બળીને ખાખ થઇ ગયાં હતાં. મોડી રાત્રે એટીએમ મશીનોમાં આગ લાગતાં સાયરન વાગતાં ગામલોકો દોડી આવ્યા હતા. આ બનાવ અંગે તરત જ ફાયરબ્રિગેડને જાણ કરાઈ હતી. એ સાથે આ બનાવની જાણ બેંક-મેનેજર હરીશભાઈને થતાં તેઓ દોડી ગયા હતા. આગના આ બનાવને પગલે રાત્રે મોટી સંખ્યામાં લોકો એકઠા થઇ ગયા હતા. ભીષણ આગને કારણે એટીએમ મશીનો બળીને ખાખ થઇ જતાં લાખોની કેશ સળગી ગઈ હોવાની આશંકા સેવાઇ રહી છે. જાેકે આ બનાવમાં ચોક્કસ કેશ કેટલી બળી હોવાની વિગતો મેળવવા બેંક-મેનેજર હરીશભાઈનો સંપર્ક કરતાં તેમણે હાલ તપાસ ચાલુ હોવાનું જણાવ્યું હતું. એટીએસ મશીનોમા આગ લાગવાનું ચોક્કસ કારણ અકબંધ છે, પરંતુ શોર્ટસર્કિટથી આગ લાગી હોવાનું પ્રાથમિક અનુમાન સેવાઇ રહ્યું છે. આગના આ બનાવે ચકચાર જગાવી મૂકી હતી. આ બનાવની કાર્યવાહીમાં પોલીસ પણ જાેડાઇ હતીવડોદરા શહેર નજીક ગોત્રી સેવાસી રોડ પર આવેલાં એસબીઆઈનાં બે એટીએમ મશીનોમાં ગુરુવારે મોડી રાત્રે ભીષણ આગ ફાટી નીકળી હતી. ફાયરબ્રિગેડ આગને કાબૂમાં લે એ પહેલાં એટીએમ મશીનો બળીને ખાખ થઇ ગયાં હતાં. એટીએમ મશીન સ્થિત લાખોની કેશ ખાખ થઇ ગઇ હોવાની આશંકા સેવાઇ રહી છે.
