રાજકોટ રસ્તા રિપેરિંગ, ફરિયાદની નિકાલ અને ડોર ટુ ડોર કામગીરીનું લોકો સાથે વાત કરીને ક્રોસ વેરિફિકેશન.
રાજકોટ શહેર તા.૭/૭/૨૦૨૫ રાજકોટ મહાનગરપાલિકાના નાયબ કમિશનર મનીષ ગુરવાની (IAS) એ આજે શહેરના વોર્ડનં.૧૮ માં શિવનગર અને ડી.માર્ટ વાળા રોડ અને આજુ-બાજુના વિસ્તારોની મુલાકાત લીધી હતી. આ વિઝિટ દરમિયાન તેમણે રાજકોટ મહાનગરપાલિકાના જુદા-જુદા વિભાગોની કામગીરીની સમીક્ષા કરી હતી. જેમાં તેમણે રસ્તા રિપેરિંગ અને ખાડા બૂરવાની કામગીરી, જુદી-જુદી ફરિયાદોના નિકાલ અને સોલિડ વેસ્ટ મેનેજમેન્ટ વિભાગ દ્વારા થતી ડોર ટુ ડોર વેસ્ટ કલેક્શન કામગીરીનું નાગરિકો સાથે ફોન કોલથી અને રૂબરૂ વાતચિત કરી ક્રોસ વેરિફિકેશન પણ કર્યું હતું. શહેરના પૂર્વ ઝોન હેઠળના આ વિસ્તારોમાં મહાનગરપાલિકાની ટીમો દ્વારા લોકો તરફથી રજુ કરવામાં આવેલી જે ફરિયાદોનો નિકાલ કરવામાં આવ્યો હોવાનું દર્શાવવામાં આવ્યું હતું તેમાં મહાનગરપાલિકાની કામગીરી રહી તેનું નાયબ કમિશનર મનીષ ગુરવાનીએ જાતે જ મૂલ્યાંકન કર્યું હતું. આ માટે તેમણે પોતે જ અમૂક ફરિયાદી નાગરિકોને ફોન કોલ કરીને ફરિયાદોના નિકાલ અંગે તેઓના રીવ્યુ મેળવ્યા હતા. આ ઉપરાંત નાયબ કમિશનરએ સોલિડ વેસ્ટ મેનેજમેન્ટ વિભાગ દ્વારા ટીપર વાનથી ડોર ટુ ડોર વેસ્ટ કલેક્શનની કામગીરીની સમિક્ષા પણ કરી હતી. ટીપર વાન દ્વારા તેને ફાળવવામાં આવેલ રૂટ પર વ્યવસ્થિતરીતે અને સમયસર ડોર ટુ ડોર કામગીરી કરવામાં આવે છે કે કેમ તે અંગે સીધો નાગરિકો સાથે સંવાદ કરીને ચકાસણી કરી હતી. નાયબ કમિશનરની આ ફેરણી દરમિયાન તેમની સાથે પૂર્વ ઝોનના સિટી ઈજનેર, નાયબ પર્યાવરણ ઈજનેર, વોર્ડ ઓફિસર અને અન્ય સંબંધિત અધિકારીઓ હાજર રહ્યા હતા.
રિપોર્ટર.દિલીપ પરમાર રાજકોટ.
