ચોમાસાને હવે ગણતરીના દિવસો બાકી રહ્યા છે ત્યારે ગીર સોમનાથ જિલ્લાના તમામ ડેમોમા આગામી જુલાઈ માસ સુધી ચાલે તેટલો પાણીનો જથ્થો ઉપલબ્ધ છે અને જિલ્લાની 3 ગેટેડ યોજનામાં મરામતની કામગીરી પૂર્ણ કરી દેવામાં આવી છે સિંચાઈ વિભાગના કાર્યપાલક ઈજનેર જે.કે. કાળાવદરા એ જણાવ્યું હતું કે હિરણ 1 ( કમલેશ્વર ) ડેમમાં 36.90 ટકા, હિરણ 2 ડેમમાં 27.25 ટકા, શિંગોડા ડેમમાં 39.88 ટકા, રાવલ ડેમમાં 69.25 ટકા અને મછુન્દ્રી ડેમમાં 34.61 ટકા પાણીનો જથ્થો ઉપલબ્ધ છે.જે આગામી જુલાઈ માસ સુધી ચાલે તેટલો જથ્થો છે.
આ સિવાય જે હિરણ – 2 , શિંગોડા અને રાવલ ડેમ ગેટેડ યોજના હોવાથી આગામી ચોમાસા ઋતુને ધ્યાનમાં રાખીને આ યોજનાઓમાં ગેટ ઓપરેશન મત ઓઇલિંગ કામગીરી કરવામાં આવી છે ને ડીઝલનો પણ પુરતો જથ્થો ઉપલબ્ધ રાખવામાં આવ્યો છે. જ્યારે હિરણ – 1 ( કમલેશ્વર ) અને મછુન્દ્રી યોજનાઓ છે તે દરવાજા વગરની યોજના હોવાથી સંદેશાની આપલે માટે અહીં વાયરલેસ સેટ અપ ઇન્સ્ટોલ કરવામાં આવ્યા છે.પૂરના પાણીને પાસ કરવા માટે ડેમના દરવાજા આ ચાર રીતે થાય છેપીજીવીસીએલની હાઈટેન્શન લાઇટ દ્વારા, અમુક કિસ્સામાં દરવાજા ઉપર લાગેલ એન્જિન દ્વારા ,લાઇટ ન હોય ત્યારે જનરેટર દ્વારા,તમામ વસ્તુઓ ન કામ કરે તો હેન્ડલ દ્વારા કરાઈ છે.