અમેરિકન પ્રમુખ ડોનાલ્ડ ટ્રમ્પ સરકારે ઈમિગ્રન્ટ્સની મુશ્કેલીઓ વધારવાનું શરૂ કર્યું છે. નોકરી ગુમાવ્યા પછી તમારે તરત જ અમેરિકા છોડવું પડી શકે છે. આનું કારણ એ જાણવામાં આવ્યું છે કે યુએસ સરકાર વિઝા સાથે સંકળાયેલ ૬૦-દિવસનો ગ્રેસ પિરિયડ દૂર કરવાનું વિચારી રહી છે એટલે કે નોકરી છૂટયા પછી મળતો ૬૦ દિવસનો ગ્રેસ પિરિયડ ખતમ કરવામાં આવશે.
નોકરી ગુમાવવાની સ્થિતિમાં વિદેશી કર્મચારીઓને થોડી રાહત આપવા માટે ૨૦૧૭ માં ૬૦-દિવસનો ગ્રેસ પિરિયડ રજૂ કરવામાં આવ્યો હતો. વર્તમાન નિયમો હેઠળ, લાયક કામદારો સામાન્ય રીતે તેમની રોજગાર સમાપ્ત થયા પછી અથવા તેમના વિઝા સમાપ્ત થાય ત્યાં સુધી જે પણ પહેલા આવે ત્યાં સુધી સતત ૬૦ દિવસ સુધી યુએસમાં રહી શકે છે. આ સુવિધાનો લાભ E-1, E-2, E-3, એચ-૧બી, એચ-૧બી૧, એલ-૧, ઓ-૧ અને ટીએન જેવા નોન ઈમિગ્રન્ટ વિઝાવાળા ને મળતો હતો.
ગ્રેસ પીરિયડ દૂર કરવાની વિચારણા થી ભારતીય કર્મચારી પર ગંભીર અસર પડી શકે છે.
પરંતુ અમેરિકા છોડવા માટે જરૂરી તેમને કેટલા દિવસનો સમય મળશે તે છેલ્લો ર્નિણય હજી લેવામાં આવ્યો નથી.