પંજાબના મુખ્યમંત્રી ભગવંત માને માનસામાં પરવિંદર સિંહ (જે ‘ઝોટા‘ તરીકે પણ ઓળખાય છે) ની હત્યા પર શોક વ્યક્ત કર્યો હતો અને ખાતરી આપી હતી કે જવાબદારો સામે કડક કાર્યવાહી કરવામાં આવશે. આ ઘટનાને “અત્યંત દુર્ભાગ્યપૂર્ણ” ગણાવતા માને કહ્યું કે પંજાબ પોલીસ સંપૂર્ણ તપાસ સુનિશ્ચિત કરવા અને ગુનેગારોને સજા અપાવવા માટે કોઈ કસર બાકી રાખશે નહીં.
ગુનેગારોને શક્ય તેટલી કડક સજા થશે: મુખ્યમંત્રી માન
“માનસામાં એક અત્યંત દુર્ભાગ્યપૂર્ણ ઘટના બની છે, જેમાં સામાજિક કાર્યકર પરમિંદર સિંહ ઝોટાની ગોળી મારીને હત્યા કરવામાં આવી છે. હું સ્પષ્ટ કરવા માંગુ છું કે પંજાબ પોલીસ આ મામલે કોઈ કસર બાકી રાખશે નહીં. ગુનેગારોને શક્ય તેટલી કડક સજા કરવામાં આવશે. જાે આ કાવતરા પાછળ અન્ય કોઈ વ્યક્તિની સંડોવણી જણાશે, તો તેમને પણ બક્ષવામાં આવશે નહીં,” તેમ મુખ્યમંત્રી માને કહ્યું.
ભગવંત માને કહ્યું કે, રાજ્ય સરકાર સમગ્ર પંજાબમાં ડ્રગ્સ (નશીલા પદાર્થો) વિરુદ્ધ જંગ લડી રહી છે અને આરોપીની ઓળખ કે પ્રભાવને ધ્યાનમાં લીધા વિના કોઈ પણ પ્રકારની નરમાઈ દાખવવામાં આવશે નહીં. “અમે સમગ્ર પંજાબમાં તમામ પ્રકારના ડ્રગ્સ વિરુદ્ધ જંગ છેડ્યો છે અને કોઈને પણ છૂટછાટ કે નરમાઈ આપવામાં આવશે નહીં. તે વ્યક્તિ કોણ છે અથવા તેના સંપર્કો કેટલા વ્યાપક છે, તેનાથી કોઈ ફરક પડતો નથી,” તેમણે કહ્યું.
તેમણે ઝોટાના પરિવાર પ્રત્યે સંવેદના પણ વ્યક્ત કરી અને કહ્યું કે તેમણે ડાયરેક્ટર જનરલ ઓફ પોલીસ (ડ્ઢય્ઁ) ને વ્યાપક તપાસ કરવા અને સત્ય બહાર લાવવા માટે કડક સૂચનાઓ આપી છે. “હું પરમિંદર સિંહ ઝોટાના પરિવાર પ્રત્યે પણ સંવેદના વ્યક્ત કરું છું; આવી ઘટના ક્યારેય બનવી જાેઈતી ન હતી. મેં ડ્ઢય્ઁ ને આ મામલે ઝીણવટભરી તપાસ કરવા અને સત્ય સંપૂર્ણપણે બહાર આવે તે સુનિશ્ચિત કરવા માટે કડક સૂચનાઓ આપી છે,” તેમ તેમણે ઉમેર્યું.
મુખ્ય આરોપી રાજસ્થાનથી ઝડપાયો
પંજાબ પોલીસે રાજસ્થાનના સાલાસરથી મુખ્ય આરોપીની ધરપકડ કરી છે.
ડ્રગ્સના દૂષણ વિરુદ્ધ અવાજ ઉઠાવવા માટે જાણીતા પરવિંદર સિંહ ઉર્ફે ઝોટાને મંગળવારે (૧૩ ઓક્ટોબર) એક વ્યસ્ત બજારમાં આવેલા મેડિકલ સ્ટોરની અંદર દિવસે-દહાડે ગોળી મારી દેવામાં આવી હતી. મેડિકલ સ્ટોરના માલિક અશ્વિની કુમારે ઝોટા અને તેના સાથીઓ પર ગોળીબાર કર્યો હતો; આરોપ છે કે ઝોટા અને તેના સાથીઓએ એક વૃદ્ધ વ્યક્તિને નશીલા પદાર્થો વેચવા બદલ દુકાનદારને સવાલ કર્યા હતા. આ ઘટના ત્યારે બની જ્યારે આ કાર્યકર ફેસબુક લાઈવ કરી રહ્યા હતા.
ઝોટા લાંબા સમયથી માનસામાં નશા વિરોધી અભિયાન ચલાવી રહ્યા હતા અને નશો કરાવનારા પદાર્થોના ખુલ્લેઆમ વેચાણ અંગેના તેમના દાવાઓને લોકો સમક્ષ લાવવા માટે નિયમિતપણે સોશિયલ મીડિયા લાઈવસ્ટ્રીમનો ઉપયોગ કરતા હતા. મળતી માહિતી મુજબ, નશાકારક પદાર્થોના કથિત વેચાણ અંગે એક મેડિકલ સ્ટોરના માલિકને સવાલ પૂછ્યા બાદ આ વિવાદ શરૂ થયો હતો. ત્યારથી વિપક્ષી નેતાઓએ રાજ્ય સરકાર પાસે જવાબદારીની માંગ કરી છે, જ્યારે ઝોટાની માતાએ યાદ કર્યું છે કે તેમનો પુત્ર પોતાના જીવને લઈને કેટલો ભયભીત હતો.
આ ઘટનાને કારણે રાજકીય તોફાન સર્જાયું છે; વિપક્ષી નેતાઓ ભગવંત માનના નેતૃત્વવાળી આમ આદમી પાર્ટી (છછઁ) સરકાર પર નશાની સમસ્યાને ડામવામાં અને કાયદો-વ્યવસ્થા જાળવવામાં નિષ્ફળ રહેવાનો આરોપ લગાવી રહ્યા છે.