જેસર તાલુકાના વીરપુર ગામમાં ખેડૂતોને પોતાના ખેતર સુધી પહોંચવામાં લાંબા સમયથી મુશ્કેલી પડી રહી છે. વીરપુર ટીબેટી તળાવમાં પાણી ભરાઈ જતાં ખેતરો સુધી જવાનો રસ્તો બંધ થઈ જાય છે.
આ કારણે ખેડૂતોને ખેતીકામ માટે તળાવ પાર કરવા હોડીનો સહારો લેવો પડે છે. દર વર્ષે સાત મહિનાથી પણ વધુ સમય સુધી ખેડૂતો આ રીતે તળાવ પાર કરીને ખેતરો સુધી પહોંચે છે.
ખેતીકામ માટે વારંવાર તળાવ પાર કરવાની ફરજ પડતી હોવાથી તેમનો સમય અને શ્રમ બંને વેડફાય છે. માત્ર ખેડૂતો જ નહીં, તળાવના સામા કાંઠે રહેતા આશરે 10 પરિવારોને પણ અવરજવરમાં ભારે મુશ્કેલી પડે છે.