વડોદરા જિલ્લાના શિનોરના ડૉ. જતીનકુમાર હરજીવન સોનીને ‘14મા જેમ્સ ઓફ ઇન્ડિયા સન્માન–2026’ માટે પસંદ કરાયા છે. તેમને રમતગમત, શારીરિક શિક્ષણ અને રમત પ્રશાસન ક્ષેત્રે યોગદાન બદલ આ સન્માન મળશે. આ સમાચારથી શિનોર સહિત વડોદરા જિલ્લામાં ખુશી છે.
આ સન્માન મહારાજા અજમીઢજી સુનાર જન સેવા સંસ્થાન દ્વારા 25 ઓક્ટોબર, 2026ના રોજ નવી દિલ્હીના ડૉ. આંબેડકર ઇન્ટરનેશનલ સેન્ટર ખાતે અપાશે. ડૉ. સોનીએ રમતવીર, પ્રશિક્ષક અને પ્રશાસક તરીકે સેવા આપી છે. 1979થી 1985 દરમિયાન તેમણે રાષ્ટ્રીય જિમ્નાસ્ટિક સ્પર્ધાઓમાં 4 સુવર્ણ, 4 રજત અને 6 કાંસ્ય સહિત 14 પદકો જીત્યા હતા. તેઓ 2002ની કોમનવેલ્થ ગેમ્સ સહિત આંતરરાષ્ટ્રીય સ્પર્ધાઓમાં નિર્ણાયક પણ રહ્યા છે.
હાલમાં ડૉ. સોની ગુજરાત વિદ્યાપીઠમાં પ્રોફેસર ઑફ પ્રેક્ટિસ છે. તેઓ રમત ઇજનેરી અભ્યાસક્રમ સમિતિના અધ્યક્ષ પણ છે. તેમની આ સિદ્ધિ યુવાનોને રમતગમત અને શિક્ષણમાં આગળ વધવા પ્રેરણા આપશે.