સીરિયા
પશ્ચિમ આફ્રિકન દેશ ઘાનામાં પ્રચંડ વિસ્ફોટના કારણે ઓછામાં ઓછા ૧૭ લોકોના મોત થયા છે. જ્યારે ૫૯ લોકો ઘાયલ થયા છે. સ્થાનિક સમાચાર એજન્સી આ માહિતી આપી છે. મીડિયા રિપોર્ટ અનુસાર આ ઘટના ધામકા દેશના પશ્ચિમ ભાગમાં બની છે. સરકારના જણાવ્યા અનુસાર ખાણકામમાં ઉપયોગમાં લેવાતા વિસ્ફોટકો વહન કરતું વાહન પશ્ચિમ બાજુએ એક મોટરસાઇકલ સાથે અથડાયું અને વિસ્ફોટ થયો હતો. જેમાં ઓછામાં ઓછા ૧૭ લોકોના મોત થયા હતા અને ૫૯ લોકો ઘાયલ થયા હતા. ડઝનેક ઈમારતો તો ધરાશાયી થઈ ગઈ છે અથવા તો કાટમાળના ઢગલામાં ફેરવાતી જાેવા મળી રહી છે. એક નિવેદનમાં, પોલીસે જણાવ્યું હતું કે “પ્રાથમિક તપાસમાં જાણવા મળ્યું છે કે માઈનિંગ વિસ્ફોટકો વહન કરતું વાહન એક મોટરસાઈકલ સાથે અથડાયું હતું. જેના કારણે વિસ્ફોટ થયો હતો.” જ્યાં સુધી સ્થિતિ પહેલા જેવી સામાન્ય ન થાય ત્યાં સુધી લોકોને તેમની સલામતી માટે અકસ્માત સ્થળ પરથી અન્ય શહેરોમાં જવાની સલાહ આપવામાં આવી છે. નેશનલ ડિઝાસ્ટર મેનેજમેન્ટ ઓર્ગેનાઈઝેશનના ડેપ્યુટી ડાયરેક્ટર જનરલ સેજી સાજી અમેદોનુએ જણાવ્યું હતું કે ૫૦૦ ઈમારતો નાશ પામી છે. એક પ્રાદેશિક કટોકટી અધિકારીએ સ્થાનિક મીડિયાને જણાવ્યું કે તેણે ૧૦ મૃતદેહો જાેયા છે. આ વિસ્ફોટ એપિએટમાં થયો હતો, જે દેશના પશ્ચિમ વિસ્તારમાં બોગોસો અને બાવડી શહેરોની વચ્ચે આવેલું છે. અહીં એક મોટરસાઇકલ વિસ્ફોટકો ભરેલી ટ્રકની નીચે આવી ગઈ હતી, જે કેનેડિયન કિનરોસ કંપની દ્વારા સંચાલિત ચિરાનો સોનાની ખાણ તરફ જઈ રહી હતી. કિન્રોસના પ્રવક્તાએ આ ઘટનાની પુષ્ટિ કરતા કહ્યું કે જ્યાં આ ઘટના બની તે સ્થળ ખાણથી ૧૪૦ કિલોમીટર દૂર હતું. પોલીસે જણાવ્યું કે નજીકના શહેરોને શાળાઓ અને ચર્ચોના દરવાજા ખોલવા માટે કહેવામાં આવ્યું છે. જેથી બ્લાસ્ટથી પ્રભાવિત લોકો ત્યાં આશરો લઈ શકે. પ્રમુખ નાના અદ્દો ડાંકવા અકુફો-અડ્ડોએ જણાવ્યું હતું કે વિસ્ફોટના પરિણામે “પ્રાણીઓને નુકસાન” થયું હતું. તેમણે કહ્યું કે ઘટનાની જાણ થતાં જ પોલીસ ત્યાં પહોંચી ગઈ હતી. આગને કાબુમાં લેવા માટે ફાયર ફાઈટર પણ હાજર હતા. છોર્ક-છઙ્ઘર્ઙ્ઘએ ટ્વીટ કર્યું, “આ ખૂબ જ દુઃખદ અને કમનસીબ ઘટના છે. સરકાર વતી હું મૃતકોના પરિવારો પ્રત્યે મારી ઊંડી સંવેદના વ્યક્ત કરું છું અને ઘાયલો ઝડપથી સાજા થાય તેવી કામના કરું છું.
