અમેરિકા
ઓસ્ટ્રેલિયાના દિગ્ગજ ક્રિકેટર શેન વોર્નના નિધનના સમાચાર વિશ્વભરના ક્રિકેટ ચાહકોના દિલને તોડી નાખશે. વોર્ન દરેક દિલનો પ્રિય હતો. ભલે તે પોતાની ટીમના ખેલાડી હોય, વિરોધી હોય કે પછી દુનિયાના ખૂણે ખૂણે હાજર તેમના ચાહકો હોય. શેન વોર્નના આ દુનિયામાંથી અચાનક વિદાય લેવાથી દરેક જણ દુખી છે. તેની અસર ન્યૂઝીલેન્ડમાં રમાઈ રહેલા આઈસીસી મહિલા વર્લ્ડ કપની મેચમાં પણ જાેવા મળી હતી, જ્યાં મેદાન પર એક મિનિટ માટે મૌન હતું. વોર્ન દરેક દિલનો પ્રિય હતો. ભલે તે પોતાની ટીમના ખેલાડી હોય, વિરોધી હોય કે દુનિયાના ખૂણે ખૂણે હાજર તેમના ચાહકો હોય. શેન વોર્નના આ દુનિયામાંથી અચાનક વિદાય લેવાથી દરેક વ્યક્તિ દુઃખી છે. ઓસ્ટ્રેલિયા અને ઈંગ્લેન્ડ વચ્ચેની મેચની શરૂઆત પહેલા મેદાન પર ખેલાડીઓ અને પ્રશંસકોનું મૌન જાેવા મળ્યું હતું. આ દરમિયાન ઓસ્ટ્રેલિયાની સમગ્ર મહિલા ટીમે એક મિનિટનું મૌન પાળીને શેન વોર્નને શ્રદ્ધાંજલિ આપી હતી. ખેલાડીઓની આ પહેલને મેદાન પર હાજર પ્રશંસકોનું સમર્થન પણ મળ્યું. ઓસ્ટ્રેલિયાની મહિલા ક્રિકેટ ટીમે મૌન પાળીને શેન વોર્ન તેમજ રોડની માર્શના નિધન પર શોક વ્યક્ત કર્યો હતો. વોર્ન અને માર્શના મૃત્યુ વચ્ચે માત્ર થોડા કલાકોનું જ અંતર હતું. માર્શનું સવારે નિધન થયું, જેના પર શેન વોર્ને પણ ટ્વીટ કરીને દુઃખ વ્યક્ત કર્યું. અને, સાંજે શેન વોર્નના મૃત્યુના સમાચારે સમગ્ર વિશ્વના ક્રિકેટ ચાહકોને હચમચાવી દીધા હતા. શેન વોર્ન અને રોડની માર્શના નિધન પર શોક વ્યક્ત કર્યા બાદ ઓસ્ટ્રેલિયા અને ઈંગ્લેન્ડ વચ્ચેની મેચ શરૂ થઈ હતી. આ મેચમાં ઈંગ્લેન્ડની મહિલા ટીમે ટોસ જીતીને ઓસ્ટ્રેલિયાને પ્રથમ બેટિંગ માટે મોકલ્યું હતું. બંને ટીમો માત્ર કાગળ પર જ નહીં પરંતુ મેદાન પર પણ મજબૂત છે. આવી સ્થિતિમાં તેમની વચ્ચે રસપ્રદ સ્પર્ધાની અપેક્ષા છે. ન્યૂઝીલેન્ડ ક્રિકેટે પણ શેન વોર્નના નિધન પર શોક વ્યક્ત કર્યો છે. તેણે ટ્વીટ કરીને લખ્યું કે તે આ સમાચારથી દુઃખી અને આઘાતમાં છે.
