ઓફીસનો સમય ૧૦:૩૦ કલાક છતાં ૧૨:૦૦ સુધી કર્મચારી ડોકાતા નથી
જેતપુર તાલુકા પંચાયતમાં કચેરીના તમામ શાખામાં તાલુકા વિકાસ અધિકારી સિવાયના અન્ય કર્મચારીઓની ગેરહાજરી જોવા મળી હતી.
જેતપુર તાલુકા પંચાયત માં કર્મચારીઓ નો ઓફિસિયલ ટાઈમ ૧૦:૩૦ નો હોવા છતાં અનેક કર્મચારીઓ ૧૨:૦૦ થવા છતાં કર્મચારીઓ હાજરનાં હોઈ જેના કારણે ગ્રામ્ય વિસ્તારમાંથી આવતા અરજદારો હેરાન પરેશાન થઇ રહ્યા છે .આ કર્મચારીઓને કોઈ ધ્યાન દોરવા વાળું છે કે નહીં તેવા સવાલો ઉઠી રહ્યા છે પ્રેસ મીડિયા દ્વારા અવારનવાર રજૂઆતો કર્યા હોવા છતાં પણ કર્મચારીઓ બાર બાર વાગ્યા સુધી પોતાની ફરજ પર ન આવતા આખું તંત્ર ડોળાયું છે .
જેતપુર તાલુકા પંચાયત નું તંત્ર ક્યાં સુધી આવું રહેશે તે એક મોટો સવાલ છે આ પંચાયતમાં પ્રજાના પ્રશ્નોને વાચા આપવા માટે કર્મચારી ખુરશી ઉપર બેસાડ્યા છે ત્યારે ખુદ કર્મચારીઓ પોતાના ટાઈમ કરતા લેટ આવી રહ્યા છે ત્યારે પ્રજા ના હાલ બેહાલ થઇ રહ્યા છે ત્યારે પ્રજા ખુદ સ્વીકારી રહી છે કે પ્રજાએ ચૂંટીને જેતપુર તાલુકા પંચાયતમાં બેસાડ્યા છે ચૂંટાયેલા પ્રતિનિધિ આ કર્મચારીને કેમ સાવરી રહ્યા છે શું આ અધિકારી અને પ્રતિનિધિ વચ્ચે કાંઈ સાઠગાંઠ છે કે કેમ તેવું પ્રજામાં પ્રશ્નો થઈ રહ્યો છે ત્યારે અમુક અમુક કર્મચારી ના લીધે બધાને ભોગવવું પડે છે ત્યારે આવા કર્મચારીને તેમની આ મીલીભગત બંધ કરવામાં કેમ નથી ઉચ્ચ અધિકારીઓ કેમ આંખ આડા કાન કરી રહ્યા શું હા કર્મચારીને દરરોજ લેટ આવવા છતાં કોઈ કહેવાવાળું નથી આ પંચાયત ની અંદર આવું ને આવું ચાલતું રહેશે તો એક સમયમાં ખંઢેર બનતા વાર નહિ લાગે . જવાબદાર તમામ અધિકારીઓ સામે તાલુકા અને જિલ્લા વિકાસ અધિકારી યોગ્ય કાર્યવાહી કરશે કે પછી આ લોકોને છાવરવામાં આવશે તે બાબતે અનેક સવાલો ઉભા થવા પામ્યા
તાલુકા પંચાયતના કચેરીમાં સ્ટાફ ન હોવાથી આવનાર લોકોને ભારે મુશ્કેલીનો સામનો કરવો પડ્યો હતો. એક તરફ સરકાર વીજળી બચાવવાની વાતો કરે છે ત્યારે આ કચેરીમાં કોઈ અધીકારી ન હોવા છતાં તમામ રૂમની લાઈટો તેમજ પંખાઓ ચાલુ જ જોવા મળ્યા હતા.આ બાબતે તાલુકા વિકાસ અધિકારીએ એન. ડી.કુંગશિયા એ જણાવ્યું હતું કે,અન્ય 2 થી 3 કર્મચારીઓને ચાર્જ આપવામાં આવ્યો હોવાથી નથી આવ્યા જ્યારે અન્ય બે થી ત્રણ કર્મચારીઓ બહારથી આવતા હોઈ જેને લીધે તેમને મોડું થઈ રહ્યું હોઈ આવા તમામ અધિકારીઓને કારણ દર્શક નોટિસ આપી હાજર ન હતા તેની તપાસ કરાવીશ.તેવું જણાવ્યું હતું
હરેશ ભાલીયા જેતપુર
