નવીદિલ્હી
પ્રવાસી ન્યૂઝીલેન્ડ સામેની પ્રથમ ક્રિકેટ ટેસ્ટના રવિવારે ચોથા દિવસે ઇંગ્લેન્ડ માટે શાનદાર સદી ફટકારીને ટીમને વિજય અપાવનારા જાે રૂટે તેની કારકિર્દીના ૧૦,૦૦૦ રન પૂરા કર્યા હતા. આ સાથે તેણે ૩૧ વર્ષ અને ૧૫૭ દિવસની વયે આ સિદ્ધિ હાંસલ કરીને પોતાના જ દેશના એલિસ્ટર કૂકના વિક્રમની બરાબરી કરી હતી. એલિસ્ટર કૂકે પણ ૩૧ વર્ષ અને ૧૫૭ દિવસની વયે આ સિદ્ધિ હાંસલ કરી હતી. જાે રૂટ આ સાથે ટેસ્ટ ક્રિકેટ કારકિર્દીમાં દસ હજાર રન કરનારો વિશ્વનો ૧૪મો ક્રિકેટર બન્યો છે. આ યાદીમાં ભારતનો સચિન તેંડુલકર મોખરે છે.
