રાજસ્થાનમાં પાંચ પિતરાઈ ભાઈ બહેનોના ડુબી જવાથી મોત

રાજસ્થાન
રાજસ્થાનના શ્રીગંગાનગરના અનુપગઢ સબડિવિઝનના રામસિંહપુર પોલીસ સ્ટેશન વિસ્તારના ગામ ઉડાસરમાં બની હતી. ત્યાં બપોરે ખેતરમાં બનાવેલી પાણીની ટાંકીમાં ૫ માસુમ બાળકોના ડૂબી જવાથી મોત થયા હતા. પાણીની ટાંકીમાં ૫ બાળકોના ડૂબી જવાના સમાચારથી તેમના પરિવારમાં ગમગીની છવાઈ ગઈ હતી. માહિતી મળતાં જ રામસિંહપુર પોલીસ સ્ટેશન ઘટનાસ્થળે પહોંચી ગ્રામજનોની મદદથી પાંચેય બાળકોના મૃતદેહને પાણીની ટાંકીમાંથી બહાર કાઢી રામસિંહપુર હોસ્પિટલના શબઘરમાં રાખવામાં આવ્યા હતા. અકસ્માતમાં જીવ ગુમાવનારાઓમાં ૨ બાળકો અને ૩ છોકરીઓનો સમાવેશ થાય છે. તમામ બાળકો એક જ પરિવારના હતા. અકસ્માતમાં માર્યા ગયેલા બંને બાળકો સગા ભાઈઓ હતા. બધા બાળકો પિતરાઈ, ભાઈ-બહેન હતા. અકસ્માત બાદ સમગ્ર વિસ્તારમાં શોકનો માહોલ છે. પોલીસે રામસિંહપુર હોસ્પિટલમાં પોસ્ટમોર્ટમની પ્રક્રિયા શરૂ કરી છે. સ્થાનિક વહીવટી અધિકારીઓ પણ હોસ્પિટલ પહોંચી ગયા છે. તેઓ અકસ્માત અંગે માહિતી એકત્ર કરી રહ્યા છે. રવિવાર રજાનો દિવસ હોવાનું પ્રાથમિક માહિતીમાં જાણવા મળ્યું છે. જેથી બાળકો શાળાએ ન ગયા અને રમતા રમતા મેદાનમાં બનેલી પાણીની ટાંકી પાસે પહોંચ્યા. ત્યાં બાળકો નહાવા લાગ્યા. તે પછી એક પછી એક પાંચ બાળકો પાણીમાં સમાઈ ગયા. જાે કે ડૂબતા સમયે બાળકોએ પણ અવાજ ઉઠાવ્યો હતો, પરંતુ આસપાસ કોઈ ગ્રામજનો અને સંબંધીઓ હાજર ન હતા. આવી સ્થિતિમાં બાળકોની મદદ માટે કોઈ પહોંચી શક્યું ન હતું. ગામલોકો અને સંબંધીઓ ત્યાં પહોંચ્યા ત્યાં સુધીમાં ઘણું મોડું થઈ ગયું હતું.રાજસ્થાનના શ્રીગંગાનગર જિલ્લામાં રવિવારે એક દર્દનાક અને મોટી દુર્ઘટનામાં એક જ ગામના પાંચ બાળકોના ડૂબી જવાથી મોત થયા હતા. જેમાં બે છોકરાઓ અને ત્રણ છોકરીઓનો સમાવેશ થાય છે. અકસ્માતનો ભોગ બનેલા બંને છોકરાઓ સગા ભાઈઓ હતા. અકસ્માતને પગલે ગામમાં અરેરાટી ફેલાઇ હતી. પરિવારજનોની ચીસોથી આખું ગામ ધ્રૂજી ઊઠ્‌યું હતું. પોલીસે મૃતદેહોને પાણીની ટાંકીમાંથી કાઢીને રામસિંહપુર હોસ્પિટલના શબઘરમાં રાખ્યા હતા. ઘટનાસ્થળે અને હોસ્પિટલમાં ગ્રામજનોની ભારે ભીડ ઉમટી પડી છે. આ દુઃખદ ઘટના બાદ કોઈના મોઢામાંથી કોઈ શબ્દ નીકળી શકતો નથી.