મુંબઈ
પૂજા ચોપરાએ વર્ષ ૨૦૦૯માં ફેમિના મિસ ઈન્ડિયા વર્લ્ડનો ખિતાબ જીત્યો હતો. આ ઉપરાંત તે ભારત માટે મિસ વર્લ્ડ સ્પર્ધામાં “બ્યુટી વિથ અ પર્પઝ” નો ખિતાબ જીતનારા પ્રથમ ભારતીય પણ છે. અભિનેત્રી અને મોડલ પૂજા ચોપરાને ‘મિસ ફેમિના’ અને ‘મિસ ઈન્ડિયા’નો તાજ પહેરાવવામાં આવ્યો છે. આટલું જ નહીં, તેણે ‘ફેશન’ અને ‘કમાન્ડો’ સહિત ઘણી હિટ ફિલ્મોમાં કામ કર્યું છે. અભિનેત્રી પૂજા ચોપરા આ દિવસોમાં તેની ફિલ્મ ‘જહાં ચાર યાર’ને કારણે ચર્ચામાં છે. અભિનેત્રી આ ફિલ્મના પ્રમોશનમાં વ્યસ્ત છે. આ ફિલ્મમાં તેના સિવાય સ્વરા ભાસ્કર, મેહર વિજ, શિખા તંસાનિયા પણ લીડ રોલમાં છે. આ દરમિયાન, અભિનેત્રીએ પોતાના વિશે ઘણા ચોંકાવનારા ખુલાસા કર્યા છે, જે જાણીને તેના ચાહકો દંગ રહી જશે. અભિનેત્રી પૂજા ચોપરાએ જણાવ્યું કે, તેના પિતા તેનો જન્મ થતાંની સાથે જ તેને મારી નાખવા માંગતા હતા. આજે બોલીવુડમાં ખ્યાતિ મેળવનારી એક્ટ્રસને તેના પિતા તેને જન્મતાની સાથે જ મારી નાખવા માંગતા હતા. શું વિશ્વાસ જ નથી થતો ને આવું તો હોય પણ આ સાચી હકીકત છે કે તાજેતરમાં જ આપેલા ઈન્ટરવ્યુમાં બાળપણથી સંબંધિત એક દર્દનાક કિસ્સો શેર કર્યો હતો. પૂજાએ જણાવ્યું કે, તેની આગામી ફિલ્મ ‘જહાં ચાર યાર’ની સ્ટોરી તેના જીવન સાથે જાેડાયેલી છે. માતા પિતાનું ઘર છોડીને નાનીના ઘરે આવી ગઇ. તેની ફિલ્મ વિશે વાત કરતાં અભિનેત્રીએ બાળપણની એક દર્દનાક વાર્તા સંભળાવી અને જણાવ્યું કે, જ્યારે તે માત્ર ૨૦ દિવસની હતી ત્યારે તેના પિતાએ તેને અનાથાશ્રમમાં મોકલવા અથવા મારી નાખવાનું જણાવ્યું હતું. અભિનેત્રીએ જણાવ્યું કે, આ ઘટના બાદ તેની માતા તેને અને તેની મોટી બહેન સાથે ઘર છોડીને દાદી પાસે ગઈ હતી. પૂજાના જણાવ્યા અનુસાર તે તેના માતા-પિતાની બીજી પુત્રી હતી. તેની એક બહેન તેના કરતા ૭-૮ વર્ષ મોટી હતી. અભિનેત્રીએ તે ઘટના વિશે વધુ ખુલાસો કરતા જણાવ્યું કે, જે માતાએ પછીથી ઘર છોડી દીધું હતું તે કામ કરવા લાગી હતી અને તેને એકલા હાથે ઉછેરી હતી. આટલું જ નહીં, જ્યારે તેની માતા નોકરી પર જતી ત્યારે તેની મોટી બહેન તેનું ધ્યાન રાખતી હતી. એટલું જ નહીં, અભિનેત્રીએ ખુલાસો કર્યો કે, જ્યારે તે રડતી હતી ત્યારે નાનીના ઘરની પડોશમાં રહેતા માસી તેને દૂધ પીવડાવતી હતી. આવા સમયે અભિનેત્રીએ જણાવ્યું કે, આજે પણ તેણીના લગ્ન પછી છોકરીઓને ફક્ત એટલું જ કહેવામાં આવે છે કે, એડજસ્ટ થઈ જાઓ. આ ફિલ્મ દ્વારા મહિલાઓની જાતીય ઈચ્છા વિશે વાત કરવામાં આવી છે. ઉલ્લેખનીય છે કે, આ ફિલ્મ ૧૬ સપ્ટેમ્બરના રોજ રિલીઝ થશે. આ સિવાય અભિનેત્રી બીજી ફિલ્મ ‘જીવન વીમા યોજના’માં પણ જાેવા મળશે.
