બ્રિટનમાં સ્વાસ્થ્યમંત્રીએ કહ્યું કે ક્રિસમસનો આનંદ માણવો જાેઈએ

બ્રિટન
દક્ષિણ આફ્રિકાના ડેટામાં એવું પણ જાણવા મળ્યું છે કે ઓમિક્રોન ત્યાં હળવો રોગ હોઈ શકે છે. ઓમિક્રોન હવે બ્રિટનમાં કોરોના વાયરસનો ચેપ ફેલાવવામાં પ્રબળ છે. દેશમાં કોરોનાના કેસમાં એક સપ્તાહમાં લગભગ ૬૦ ટકાનો વધારો થયો છે. ઓક્સફર્ડ યુનિવર્સિટીના સંશોધકોના નવા અભ્યાસ મુજબ,કોરોનાની એસ્ટ્રાઝેનેકા અને ફાઈઝર-બાયોએનટેક રસીઓએ ઓમિક્રોન વેરિઅન્ટ સામે પ્રતિરક્ષામાં નોંધપાત્ર વધારો કર્યો છે. રસીના બંને ડોઝ અને ત્રીજાે ડોઝ મેળવનાર લોકોના લોહીના નમૂનાઓમાં એન્ટિબોડીના સ્તરની સરખામણી કરવામાં આવી હતી. અભ્યાસમાં જાણવા મળ્યું છે કે બે ડોઝએ કોરોનાવાયરસના અગાઉના સ્વરૂપો કરતાં ઓમિક્રોન સામે નોંધપાત્ર રીતે ઓછું રક્ષણ પૂરું પાડ્યું હતું, જ્યારે ત્રીજા ડોઝ પછી એન્ટિબોડીઝ ઝડપથી વધી હતી. અભ્યાસમાં એ પણ જાણવા મળ્યું છે કે રસી વગરના લોકો જેઓ કોરોનામાંથી સાજા થયા છે તેઓ ઓમિક્રોનથી પુનઃ સંક્રમિત સામે ઓછી પ્રતિરક્ષા ધરાવે છે. જાે કે, ગંભીર રીતે બીમાર થવાથી તેમને થોડું રક્ષણ મળી શકે છે.બ્રિટનમાં કોરોનાની નવી લહેર શરૂ થઇ ગઈ છે. દરરોજ સરેરાશ ૧ લાખ કેસ સામે આવી રહ્યા છે. પરંતુ આ વચ્ચે સ્વાસ્થ્યમંત્રીએ ચોંકાવનારી વાત કહી છે. બ્રિટન સરકારે ગુરુવારે કહ્યું હતું કે તે ક્રિસમસ સુધી કોરોના સંબંધિત નવા નિયંત્રણો લાદશે નહીં. બ્રિટિશ સરકારે ઓમિક્રોન સ્વરૂપની ગંભીરતા અંગેના પ્રારંભિક અભ્યાસોને પ્રોત્સાહક ગણાવ્યા હતા. આરોગ્ય પ્રધાન સાજિદ જાવિદે જણાવ્યું હતું કે અભ્યાસ દર્શાવે છે કે કોરોના વાયરસના ડેલ્ટા સ્વરૂપની તુલનામાં જાે ઓમિક્રોનથી સંક્રમિત થાય તો હોસ્પિટલમાં દાખલ થવાની શક્યતા ઓછી છે જે સારા સમાચાર છે. એક અભ્યાસ મુજબ ઓમિક્રોનથી સંક્રમિત દર્દીઓની હોસ્પિટલમાં દાખલ થવાની જરૂરિયાત ડેલ્ટા સ્વરૂપ ધરાવતા દર્દીઓની સરખામણીમાં ૨૦ થી ૬૮ ટકાની વચ્ચે હતી. તો બીજી તરફ બ્રિટિશ સ્વાસ્થ્ય મંત્રીએ એમ પણ કહ્યું કે હજુ સુધી એ સ્પષ્ટ નથી કે આ જાેખમ કેટલું ઘટ્યું છે. જાવિદે કહ્યું કે સાવધાન હોવા છતાં, જેમ આપણે બધા છીએ, લોકોએ તેમના પરિવાર અને મિત્રો સાથે ક્રિસમસનો આનંદ માણવો જાેઈએ – અલબત્ત, સાવચેત રહો.