વિસનગર
વિસનગરના ફતેહ દરવાજા કેડિયા મહાદેવ મંદિર પાસે રબારી વાસમાં રહેતી દીકરીનાં લગ્ન કડી તાલુકાના સરસાવ ગામે રહેતા રબારી દેવાંગભાઈ મફતભાઇ સાથે વર્ષ ૨૦૧૫માં થયા હતા. જેમને સંતાનમાં એક બાળક પણ છે. લગ્ન બાદ બધા અમદાવાદ ખાતે રહેતા હતા. જેમાં યુવતીને તેના સાસરિયાં દ્વારા અવારનવાર મ્હેણાં ટોણા મારી શારીરિક અને માનસિક ત્રાસ આપવામાં આવતો હતો. યુવતીનાં સાસરિયાં દ્વારા પંદર લાખ દહેજની માંગણી કરવામાં આવી હતી. જેને લઇ યુવતી દ્વારા ના પાડવામાં આવતાં તેના પતિ દેવાંગભાઈ રબારી મારઝૂડ કરતા. ઉપરાંત કહેતાં કે તું રૂપિયા લઈને આવીશ તો તને ઘરમાં રહેવા દઈશું. આમ યુવતીને સાસુ સસરા અને પતિ દ્વારા મારઝૂડ કરવામાં આવતી હતી. યુવતી તેના પુત્ર સાથે જતાં તેના પતિએ પુત્રને પડાવી લીધો હતો. ત્યારબાદ ૧૮૧ હેલ્પલાઇન પર ફોન કરી પોલીસ બોલાવીને તેના પતિના ઘરે જઈ તેના દીકરાને લાવી દીધો હતો. આમ યુવતી પર સાસરિયાં દ્વારા પંદર લાખ દહેજની માંગણી કરી યુવતીને અવારનવાર શારીરિક-માનસિક ત્રાસ આપતાં યુવતી દ્વારા વિસનગર શહેર પોલીસ મથકમાં ફરિયાદ નોંધાવી હતી. જેમાં પોલીસે દહેજ પ્રતિબંધ અધીનિયમ અને આઇપીસી કલમ ૪૯૮ (એ), ૩૨૩, ૫૦૪, ૫૦૬(૨), ૧૧૪ મુજબ ગુનો નોંધી વધુ તપાસ હાથ ધરી છે.વિસનગર શહેરની એક યુવતીને તેના સાસરિયાં દ્વારા દહેજ પેટે ૧૫ લાખ માગી શારીરિક માનસિક ત્રાસ આપતાં યુવતીએ તેનાં સાસરિયાં વિરૂદ્ધ વિસનગર શહેર પોલીસ સ્ટેશનમાં ફરિયાદ નોંધાવી છે.
