મુંબઈ
દેશમાં અગ્નિપથ યોજના જાહેર થયા બાદ દેશભરમાં હિંસક પ્રદર્શન શરૂ થઈ ગયા હતા ત્યારે આનંદ મહિન્દ્રાએ આજે સવારે ટ્વીટ કરીને કહ્યું છે કે ૪ વર્ષ સુધી અગ્નિવીર તરીકે કામ કર્યા બાદ તેઓ આવા યુવાનોને મહિન્દ્રા ગ્રુપમાં નોકરી આપશે. પોતાના ટિ્વટમાં આનંદ મહિન્દ્રાએ લખ્યું છે કે અગ્નિવીર યોજના હેઠળ તેઓ મહિન્દ્રા ગ્રુપમાં પ્રશિક્ષિત યુવાનોને નોકરી આપશે. તેણે પોતાના ટ્વીટમાં લખ્યું છે કે “અગ્નિપથ કાર્યક્રમ પર થયેલી હિંસાથી દુઃખી છું. ગયા વર્ષે જ્યારે આ યોજના પર વિચાર કરવામાં આવ્યો હતો, ત્યારે મેં કહ્યું હતું અને હું પુનરાવર્તન કરું છું કે અગ્નિવીરોએ મેળવેલી શિસ્ત અને કૌશલ્ય તેમને રોજગાર યોગ્ય બનાવી દેશે. મહિન્દ્રા જૂથ આવા પ્રશિક્ષિત, સક્ષમ યુવાનોની ભરતી કરવાની તકનું સ્વાગત કરે છે.” ૧૪ જૂને કેન્દ્ર સરકારે અગ્નિવીર યોજનાની જાહેરાત કરી હતી, જે અંતર્ગત સેનામાં ભરતી કરવામાં આવશે. જાે કે, આ યોજના બાદથી સેનામાં જાેડાવાનું સપનું જાેતા યુવાનોમાં રોષ ભભૂકી ઉઠ્યો છે અને તેઓએ દેશમાં અલગ-અલગ જગ્યાએ પ્રદર્શનો કર્યા છે. આટલું જ નહીં, વિરોધ કરી રહેલા વિદ્યાર્થીઓએ દેશના કેટલાક રાજ્યોમાં ટ્રેનોને આગ લગાવી અને સરકારી સંપત્તિને નુકસાન પહોંચાડ્યું.મહિન્દ્રા એન્ડ મહિન્દ્રા ગ્રૂપના ચેરમેન આનંદ મહિન્દ્રાએ અગ્નિવીરોને રોજગારી આપનાર અગ્નિપથ યોજનાને લઈને દેશમાં ચાલી રહેલી હિંસા અંગે દુઃખ વ્યક્ત કર્યું છે. તેમણે અગ્નિવીરોને નોકરી આપવાની જાહેરાત કરી છે. ગઈકાલે એટલે કે રવિવારે સેનાની ત્રણેય પાંખના ટોચના અધિકારીઓએ પણ પ્રેસ કોન્ફરન્સમાં ઉલ્લેખ કર્યો હતો કે કેટલાક ઉદ્યોગપતિઓએ અગ્નિવીરોને નોકરીની ખાતરી આપી છે. હવે આ એપિસોડમાં આનંદ મહિન્દ્રાનું નામ સામે આવ્યું છે.
