મુંબઈ
વિવિધ સિંગર્સ ‘કેસરિયા’ સોન્ગનું કવર વર્ઝન બનાવી રહ્યા છે અને ફિલ્મના ઓફિશિયલ હેન્ડલ પર આ સોન્ગ પર બનેલી વિવિધ રીલ્સ શેર થઈ રહી છે. મૌલિકે મલયાલમ અને હિંદી એમ બે ભાષામાં ‘કેસરિયા’ સોન્ગ ગાયું છે અને તેના વીડિયોને ઈન્સ્ટાગ્રામ પર અત્યારસુધીમાં ૨૩ લાખથી વધુ વ્યૂઝ મળી ચૂક્યા છે. ઓરિજિનલ સોન્ગ અરિજીત સિંહે ગાયું છે પરંતુ મૌલિક રાઠોડના અવાજના પણ સોશિયલ મીડિયા યુઝર્સે વખાણ કર્યા હતા. હાલમાં જ અમદાવાદી સિંગર અને મ્યુઝિક કમ્પોઝર મૌલિક રાઠોડે તેના સુમધુર અવાજમાં ફિલ્મ ‘બ્રહ્માસ્ત્ર પાર્ટઃ ૧’ નું ટ્રેન્ડિંગ સોન્ગ ‘કેસરિયા’ ગાયું હતું. આ ઈન્સ્ટાગ્રામ રીલની આલિયા ભટ્ટે પ્રશંસા કરી હતી. ‘બ્રહ્માસ્ત્ર’ ફિલ્મના ઈન્સ્ટાગ્રામ હેન્ડલ પરથી પણ મૌલિકની રીલને સ્ટોરીમાં શેર કરવામાં આવી હતી.
