અમેરિકા
વાવાઝોડાને કારણે અધિકારીઓએ વિકેન્ડની લગભગ ૫૦૦૦ ફ્લાઇટ્સ રદ્દ કરી દીધી છે. વેબસાઈટ અનુસાર, અમેરિકાની અંદર અને બહાર કશે પણ જવા માટેની શનિવારની કુલ ૩,૪૦૦ ફ્લાઇટ્સ, રવિવારની ૬૦૦ ફ્લાઇટ્સ અને બીજી લગભગ ૧૩૦૦ ફ્લાઇટ્સ રદ્દ કરવામાં આવી રહી છે. દેશમાં ૭૦૦થી વધુ ફ્લાઇટ્સ ન્યુયોર્કના જેએફકે ઈન્ટરનેશનલ એરપોર્ટ પરથી રદ્દ કરવામાં આવી છે જે સૌથી વધુ છે. ન્યુયોર્કના અન્ય બે એરપોર્ટ લાગાર્ડિયા અને નેવાર્કથી પણ ૫૦૦થી વધુ ફ્લાઇટ્સ રદ કરવામાં આવી. બોસ્ટનના લોગાન ઈન્ટરનેશનલ એરપોર્ટે લગભગ ૬૦૦ ફ્લાઈટ કેન્સલ થયાની સૂચના આપી છે. વાવાઝોડું ન્યુયોર્ક અને બોસ્ટન સહિતના ઉત્તરપૂર્વના સ્થળોએ દૂર-ગામી પ્રણાલીને અસર કરવાની અપેક્ષા છે. જે મધ્ય એટલાન્ટિકમાં પણ અથડાવાની આગાહી કરવામાં આવી છે. ન્યુયોર્કમાં સોલ્ટ મશીનો અને સ્નોપ્લો તૈયાર રાખવામાં આવ્યા છે. મેયર એરિક એડમ્સે ટ્વીટ કર્યું હતું કે એક ફૂટ (૩૦ સેન્ટિમીટર) બરફની આગાહી કરવામાં આવી હતી, પરંતુ ચેતવણી આપી કે ‘કુદરત જે ઇચ્છે છે તે કરે જ છે.’ નેશનલ વેધર સર્વિસ (દ્ગઉજી) એ મધ્ય-એટલાન્ટિક અને ન્યુ ઈંગ્લેન્ડના દરિયાકાંઠાના ભાગોમાં ભારે ધુમ્મસ છવાઈ જવાની અને એવી સ્થિતિમાં મુસાફરી અશક્ય હોવા વિશેની ચેતવણી આપી હતી. સાથે જ ચેતવણી આપી હતી કે અહીં એક ફૂટ કરતાં વધુ હિમવર્ષા થઇ શકે છે. ન્યુયોર્ક અને ન્યુ જર્સીના ગવર્નરોએ કટોકટીની સ્થિતિ જાહેર કરી જ્યારે બોસ્ટનના મેયર મિશેલ વુએ સ્નો ઈમરજન્સી જાહેર કરી હતી. દ્ગઉજી એ જણાવ્યું હતું કે આ વાવાઝોડું શનિવારની રાતથી રવિવારની સવાર સુધી ખતરનાક પવન સાથે ઠંડી અને અત્યંત ઠંડું તાપમાન પેદા કરશે. લોંગ આઈલેન્ડ, ન્યુ યોર્ક સિટી અને લોવર હડસન વેલીમાં ભારે બરફવર્ષાને ધ્યાનમાં રાખીને ન્યુયોર્કના ગવર્નર કેથી હોચુલે એક નિવેદનમાં જણાવ્યું કે ‘આજે રાતે સુરક્ષિત રીતે ઘરે પહોંચો, વિકેન્ડ પર ઘરે જ રહો અને કોઈપણ બિનજરૂરી મુસાફરી ટાળો.’ દ્ગઉજી પૂર્વીય ક્ષેત્રે અહેવાલ આપ્યો છે કે વાવાઝોડું આગામી ૨૪ કલાકમાં ઝડપથી તીવ્ર થવાની ધારણા છે, જેમાં શનિવાર સાંજ સુધીમાં લગભગ ૩૫ મિલિબાર દબાણ ઘટવાની આશંકા છે. આ ઝડપી તીવ્રતાને કેટલીકવાર “બોમ્બ ચક્રવાત” તરીકે ઓળખવામાં આવે છે.અમેરિકામાં પૂર્વીય તટ પર બર્ફીલા તોફાનને કારણે અહીં હજારો ફ્લાઇટ્સ રદ કરવામાં આવી છે. અહીંના કેટલાક ભાગોમાં ભારે બરફવર્ષા અને ભારે પવનવાળા શક્તિશાળી વાવાઝોડાનો સામનો કરવા માટે શેલક તૈયાર કરવામાં આવ્યા છે.
