યુક્રેન પર હુમલો થશે તો રશિયા પર પ્રતિબંધો લગાવવાશે ઃ અમેરિકા

અમેરિકા
યુક્રેન પર વધતા તણાવ વચ્ચે સ્વિટ્‌ઝર્લેન્ડમાં વરિષ્ઠ અમેરિકન અને રશિયન અધિકારીઓની બેઠક યોજાવાની છે. અધિકારીઓએ જણાવ્યું હતું કે યુએસ તે વાટાઘાટોમાં તેના યુરોપિયન સુરક્ષા વલણના કેટલાક મર્યાદિત પાસાઓ પર ચર્ચા કરવા તૈયાર છે. તેમણે કહ્યું કે રશિયાની માગણી મુજબ અમેરિકા પૂર્વ યુરોપમાં તેની સૈન્ય હાજરી અથવા શસ્ત્રો ઘટાડશે તેવી કોઈ શક્યતા નથી. ઊર્જા અને ઉપભોક્તા ચીજવસ્તુઓ પર પ્રતિબંધો ઉપરાંત યુનાઈટેડ સ્ટેટ્‌સ અને તેના સાથી દેશો અમેરિકન સાધનોનો ઉપયોગ કરીને અદ્યતન ઈલેક્ટ્રોનિક ભાગો, સૉફ્ટવેર અને સંબંધિત તકનીકની રશિયાને નિકાસ પર પ્રતિબંધ મૂકવાની વિચારણા કરી રહ્યા છે. અધિકારીઓએ જણાવ્યું હતું કે નિકાસ નિયંત્રણ હેતુ માટે ક્યુબા, ઈરાન, ઉત્તર કોરિયા અને સીરિયાની સાથે રશિયાને પ્રતિબંધ જૂથમાં સામેલ કરી શકાય છે. આનો અર્થ એ થશે કે આ ક્ષેત્રમાં સોફ્ટવેર, ટેક્નોલોજી અને સાધનોમાં અમેરિકાના વૈશ્વિક વર્ચસ્વને કારણે રશિયાની ઈન્ટિગ્રેટેડ સર્કિટ અને ઈન્ટિગ્રેટેડ સર્કિટ પ્રોડક્ટ્‌સ હસ્તગત કરવાની ક્ષમતા પર ગંભીર અસર થશે, જેની અસર એરક્રાફ્ટ એવિઓનિક્સ, મશીન ટૂલ્સ, સ્માર્ટફોન, ગેમ કન્સોલ, વગેરે પર થઈ શકે છે. આવા પ્રતિબંધો તેના સંરક્ષણ અને નાગરિક ઉડ્ડયન ક્ષેત્રો સહિત મહત્વપૂર્ણ રશિયન ઉદ્યોગને પણ લક્ષ્ય બનાવી શકે છે, જે આર્ટિફિશિયલ ઈન્ટેલિજન્સ અથવા ક્વોન્ટમ કમ્પ્યુટિંગમાં રશિયાની ઉચ્ચ તકનીકી મહત્વાકાંક્ષાઓને અસર કરશે. જીનીવામાં અમેરિકા અને રશિયા વચ્ચે સોમવારની વ્યૂહાત્મક અને સુરક્ષા વાટાઘાટો પૂર્વે શનિવારે એક અધિકારીએ જણાવ્યું હતું કે “અમને લાગે છે કે અમે ઓછામાં ઓછા રશિયનો સાથે પ્રગતિની સંભાવના શોધી શકીએ છીએ.” રશિયા અને નાટોના સભ્યો અને યુરોપિયનો સાથે ગુરુવારે ચર્ચા થશે.અમેરિકામાં જાે બાઈડન પ્રશાસને ફરી એકવાર રશિયાને કડક ચેતવણી આપતા કહ્યું છે કે જાે રશિયા યુક્રેન પર હુમલો કરવાની દિશામાં આગળ વધશે તો તેના પર પ્રતિબંધો લગાવવામાં આવશે. યુએસ અધિકારીઓએ યુરોપમાં અમેરિકાની ભાવિ વ્યૂહરચના અંગેના ર્નિણયોમાં સતત ફેરફારની સંભાવના વ્યક્ત કરી છે. પરંતુ તેમણે એમ પણ કહ્યું કે જાે રશિયા યુક્રેનમાં દખલ કરશે તો તેને પ્રતિબંધોનો સામનો કરવો પડશે. અધિકારીઓએ જણાવ્યું હતું કે વહીવટીતંત્ર યુક્રેનમાં સંભવિત ભાવિ મિસાઈલોની તૈનાતી ઘટાડવા અને પૂર્વ યુરોપમાં યુએસ અને નાટો લશ્કરી કવાયતોને મર્યાદિત કરવા પર રશિયા સાથે ચર્ચા કરવા માટે તૈયાર છે. તેમણે કહ્યું કે યુક્રેનમાં હસ્તક્ષેપ કરવા બદલ રશિયાને આર્થિક પ્રતિબંધોનો સામનો કરવો પડશે. આમાં રશિયન એન્ટિટીઓ પર સીધા પ્રતિબંધો, તેમજ યુએસથી રશિયામાં નિકાસ કરાયેલ ઉત્પાદનો અને સંભવિતપણે યુએસ અધિકારક્ષેત્ર હેઠળ આવતા વિદેશી બનાવટના ઉત્પાદનો પરના નોંધપાત્ર પ્રતિબંધોનો સમાવેશ થઈ શકે છે.