નવીદિલ્હી
શાહરૂખ ખાન સાથે પઠાણની સફળતા બાદ જાેન અબ્રાહમે વધુ એક એક્શન ફિલ્મનું શૂટિંગ શરૂ કર્યું છે. નિખિલ અડવાણી ‘વેદા’ ફિલ્મ બનાવી રહ્યા છે, જેમાં જાેનની સાથે શર્વરી વાઘ લીડ રોલમાં છે. શર્વરી અને જાેને રાજસ્થાનમાં ફિલ્મનું શૂટિંગ શરૂ કર્યું છે. ફિલ્મમાં મોનિશા અડવાણી અને મધુ ભોજવાણી પણ મહત્ત્વના રોલમાં છે. નિખિલ અડવાણીના પ્રોડક્શનમાં બની રહેલી આ ફિલ્મમાં શર્વરીના મેન્ટરના રોલમાં જાેન જાેવા મળશે. જાેન અબ્રાહમ હોવાથી સ્વાભાવિકપણે ફિલ્મમાં ભરપૂર એક્શન સીન્સ રહેવાના છે. જાેનનું માનવું છે કે, ફિલ્મની સ્ટોરી તેમના મન પર ઊંડી છાપ છોડી ગઈ છે. ઓડિયન્સને પણ તેવી જ લાગણી થશે. જાેન અને નિખિલે અગાઉ બાટલા હાઉસમાં સાથે કામ કર્યું હતું. તેઓ બીજી વખત સાથે ફિલ્મ કરી રહ્યા છે. શર્વરી વાઘ છેલ્લે બંટી ઔર બબલી ૨માં જાેવા મળી હતી. ફિલ્મને બોક્સઓફિસ પર ઠંડો પ્રતિસાદ મળ્યો હતો. શર્વરીને પોતાનો પગ જમાવવા માટે દમદાર રોલ અને સારી ફિલ્મની જરૂર છે. કરિયરના નાજુક સમયમાં બિગ બજેટ ફિલ્મ મળતાં શર્વરી ખુશ છે અને ‘વેદા’માં પોતાના પર વિશ્વાસ મૂકવા બદલ તેણે નિખિલ અડવાણીનો આભાર માન્યો છે. ફિલ્મના શૂટિંગ દરમિયાન જાેન પાસેથી પણ ઘણું બધું શીખવા મળશે તેવો શર્વરીને વિશ્વાસ છે.
