ઉત્થાન લોક વિજ્ઞાન કેન્દ્ર છોટાઉદેપુર દ્વારા જિલ્લા કક્ષાના નેશનલ સાયન્સ સેમિનારનું આયોજન કરવામાં આવ્યું. 

ગુજરાત કાઉન્સિલ ઓન સાયન્સ એન્ડ ટેક્નોલોજી ગાંધીનગર અને નેશનલ કાઉન્સિલ ઓફ સાયન્સ મ્યુઝીયમ દ્વારા દર વર્ષે નેશનલ સાયન્સ સેમિનારનું આયોજન કરવામાં આવે છે.જિલ્લામાં આ કાર્યક્રમનું આયોજન ઉત્થાન લોક વિજ્ઞાન કેન્દ્ર છોટાઉદેપુર દ્વારા કરવામાં આવે છે.આ વર્ષે તા.૨૫-૦૮-૨૦૨૩ ના રોજ એસ એફ હાઇસ્કૂલ છોટાઉદેપુર ખાતે જિલ્લા કક્ષાના નેશનલ સાયન્સ સેમિનારનું આયોજન કરવામાં આવ્યું હતું.જેમાં ધોરણ ૮ થી ૧૦ ના વિદ્યાર્થીઓ ભાગ લઇ શકે છે.આ કાર્યક્રમનો મુખ્ય વિષય : “Millets : A super food or a diet fad ? રાખવામાં આવેલ હતો જેના વિષે વિદ્યાર્થીઓએ પોતાના વિચારો રજુ કર્યા હતા.જિલ્લાની શાળાઓના વિદ્યાર્થીઓ અને શિક્ષકમિત્રોએ આ કાર્યક્રમમાં ભાગ લીધો હતો.આ કાર્યક્રમમાં પ્રથમ,દ્વિતીય,તૃતીય એમ ત્રણ વિજેતાઓ જાહેર કરવામાં આવ્યા હતા જેમાં પ્રથમ ૨ વિજેતાઓ આગામી સમયમાં રાજ્ય કક્ષાએ ભાગ લેશે. વિજેતાઓને મોમેન્ટો ટ્રોફી-પ્રમાણપત્ર આપવામાં આવ્યા તેમજ ભાગ લીધેલ તમામને પ્રમાણપત્ર એનાયત કરવામાં આવ્યા હતા.શાળાના આચાર્યશ્રી, શિક્ષકમિત્રો તથા સ્ટાફ મિત્રો દ્વારા આ કાર્યક્રમનું સફળ આયોજન કરવામાં આવ્યું હતું.