જામનગરમાં એમપી શાહ મેડિકલ કોલેજના પ્રોફેસર ડૉ. કૌશલ ઝવેરીએ તેમના દસ વર્ષીય પુત્ર જશનો જન્મદિવસ અનોખી રીતે ઉજવ્યો છે. સતત બીજા વર્ષે તેમણે ચૈતન્ય ચેરીટેબલ ટ્રસ્ટના ઝૂંપડપટ્ટીના બાળકો સાથે આ ઉજવણી કરી.
કિચન એજ રેસ્ટોરન્ટમાં યોજાયેલા આ કાર્યક્રમમાં બાળકોએ પાઉભાજીનો સ્વાદ માણ્યો. રેસ્ટોરન્ટની લૉનમાં વિવિધ રમતો અને રાઈડ્સમાં બાળકોએ ધમાલ-મસ્તી કરી. ગત વર્ષે પણ કૌશલભાઈએ આવી જ રીતે જશનો જન્મદિવસ ઊજવ્યો હતો.
ચૈતન્ય ચેરીટેબલ ટ્રસ્ટના સંચાલકો હિતેશ અને કાજલ પંડ્યા છેલ્લા 27 વર્ષથી શિક્ષણ સેવાનું કાર્ય કરી રહ્યા છે. આ પહેલ દ્વારા ડૉ. કૌશલે સમાજના અન્ય પરિવારોને પણ પ્રેરણા આપી છે કે વંચિત બાળકોને આનંદ આપવાથી સાચા અર્થમાં ‘બાલદેવો ભવ:’નો મંત્ર સાર્થક થાય છે.
આવા કાર્યક્રમોમાં જોડાવા માટે હિતેશ અને કાજલ પંડ્યાનો 7405775787 નંબર પર સંપર્ક કરી શકાય છે.
