અરેઠ તાલુકાના માંડવી-કિમ રોડ પર આવેલી કલર લેમ્પ કંપનીના કમ્પાઉન્ડમાં અચાનક આગ લાગી હતી. આ ઘટના તડકેશ્વર નજીક બની હતી. આગની જાણ થતાં જ ફાયર વિભાગ અને પોલીસની ટીમો તાત્કાલિક ઘટનાસ્થળે પહોંચી હતી.
ફાયર બ્રિગેડની ટીમે ઝડપથી કાર્યવાહી કરીને આગ પર કાબૂ મેળવ્યો હતો. સદનસીબે, આ ઘટનામાં કોઈ જાનહાનિ કે મોટી ઈજા થઈ નથી. આગ કયા કારણોસર લાગી તે હજુ સ્પષ્ટ થયું નથી. પોલીસે આ અંગે વધુ તપાસ હાથ ધરી છે.