Gujarat

જામનગરમાં ગુરુ નાનક પ્રકાશ પર્વે પ્રભાતફેરી નીકળી

જામનગરમાં શ્રી ગુરુ નાનક દેવજીના 557મા પ્રકાશ પર્વની ઉજવણીના બીજા દિવસે શુક્રવારે વહેલી સવારે પ્રભાતફેરી યોજાઈ હતી. યાત્રા ગુરુદ્વારાથી નીકળી શહેરના વિવિધ માર્ગો પરથી ફરી ગુરુદ્વારા પરત પહોંચી હતી.

પ્રભાતફેરી અંબર ચોકડી, ઝુલેલાલ મંદિર, ટાઉનહોલ અને લીમડા લેન થઈને પસાર થઈ હતી. તેમાં શીખ સમાજના ભાઈઓ, બહેનો અને બાળકો સહિત મોટી સંખ્યામાં શ્રદ્ધાળુઓ જોડાયા હતા.

યાત્રા દરમિયાન શ્રદ્ધાળુઓએ ગુરુબાણીના પાઠ અને શબ્દકીર્તન કર્યા હતા. તેમણે ‘જો બોલે સો નિહાલ, સત શ્રી અકાલ’ના જયઘોષ પણ કર્યા હતા.

પ્રકાશ પર્વ નિમિત્તે જામનગરમાં વિવિધ ધાર્મિક કાર્યક્રમો યોજાઈ રહ્યા છે. પ્રભાતફેરીમાં જોડાયેલા લોકોએ ગુરુ નાનક દેવજીના ઉપદેશો અને આધ્યાત્મિક સંદેશને યાદ કર્યા હતા.