છત્તીસગઢના શક્તિ જિલ્લા (સિંઘીતારી ગામ) માં વેદાંત પાવર પ્લાન્ટમાં થયેલા મોટા બોઈલર વિસ્ફોટમાં ઓછામાં ઓછા ૧૦ લોકોના મોત અને ૪૦ લોકો ઘાયલ થવાની આશંકા છે, જેના કારણે વિસ્તારમાં ભય અને અરાજકતા ફેલાઈ ગઈ હતી.
વિસ્ફોટના કારણે નાસભાગ જેવી સ્થિતિ સર્જાઈ હતી કારણ કે કામદારો સલામત સ્થળોએ ભાગવા દોડી ગયા હતા, જેમાં લગભગ ૩૦-૪૦ કામદારો ગંભીર રીતે ઘાયલ થયા હતા. ઘાયલોમાંથી ઘણા, જેમાંથી ઘણાની હાલત ગંભીર છે, અને તેમને તાત્કાલિક સારવાર માટે નજીકની હોસ્પિટલોમાં ખસેડવામાં આવ્યા હતા. અધિકારીઓએ વિસ્ફોટના ચોક્કસ કારણની પુષ્ટિ હજુ સુધી કરી નથી.
આ ઘટના ની જાણ થતા જ, કટોકટી પ્રતિભાવ ટીમો અને સ્થાનિક વહીવટી અધિકારીઓ ઘટનાસ્થળે દોડી ગયા હતા અને બચાવ કામગીરી શરૂ કરી દીધી હતી.
પ્રાથમિક માહિતી મુજબ, બપોરે ૨ વાગ્યે અકસ્માતની જાણ થઈ હતી. વિસ્ફોટ સમયે, બધા કામદારો પ્લાન્ટની અંદર હતા અને કામ કરી રહ્યા હતા. અચાનક થયેલા વિસ્ફોટથી સમગ્ર પરિસરમાં ગભરાટ ફેલાયો હતો, જાેકે, ઘટના પછી તરત જ રાહત અને બચાવ કામગીરી શરૂ કરવામાં આવી છે.