છત્તીસગઢના કોરિયા જિલ્લામાં લાંબા સમયથી ચાલી રહેલા રેતી ખાણકામના વિવાદમાં ભારતીય જનતા પાર્ટી (ભાજપ) ના નેતા સહિત ઓછામાં ઓછા ત્રણ લોકોના મોત થયા હોવાનું પોલીસે જણાવ્યું હતું. આ ઘટનાના સંદર્ભમાં ચાર લોકોની ધરપકડ કરવામાં આવી છે.
આ ઘટના મંગળવારે રાત્રે સોનહટ તહસીલ હેઠળ આવતા કાટગોડી ગામમાં બની હતી. પોલીસના જણાવ્યા અનુસાર, પીડિતો બે કારમાં મુસાફરી કરી રહ્યા હતા, જેમાં એક જીેંફ પણ સામેલ હતી, જ્યાં હરીફ ગેંગના સભ્યો દ્વારા તેમના પર અચાનક હુમલો કરવામાં આવ્યો હતો.
હુમલાખોરોએ જીેંફ ને ટ્રક સાથે અથડાવી દીધી હતી, જેના પછી તેમાં આગ લાગી ગઈ હતી. કેટલાક પીડિતો જીેંફ ની બારીઓ અને દરવાજા તોડીને ભાગવામાં સફળ રહ્યા હતા, જ્યારે કેટલાક નિષ્ફળ ગયા હતા. બાદમાં, કારમાંથી ભાગી જવામાં સફળ રહેલા લોકો પર હરીફ ગેંગ દ્વારા હુમલો કરવામાં આવ્યો હતો, એમ પોલીસે જણાવ્યું હતું.
પોલીસે જણાવ્યું હતું કે મૃતકોમાં એકની ઓળખ ૬૦ વર્ષીય ભરત સિંહ તરીકે થઈ છે, જે ભાજપ નેતા હોવાનું કહેવાય છે. અન્ય મૃતકોમાં ૩૨ વર્ષીય વીરેન્દ્ર પ્રતાપ સિંહ અને ૫૩ વર્ષીય નાગેન્દ્ર સિંહનો સમાવેશ થાય છે. પોલીસે જણાવ્યું હતું કે વીરેન્દ્ર પર તીક્ષ્ણ હથિયારથી હુમલો કરવામાં આવ્યો હતો, જ્યારે નાગેન્દ્ર ૮૦ ટકા બળી ગયા હતા.
ચાર લોકોની ધરપકડ, તપાસ ચાલુ છે
પોલીસે આ ઘટનાના સંદર્ભમાં ચાર લોકોની ધરપકડ કરી છે અને વધુ તપાસ ચાલી રહી છે. દુશ્મનાવટ પર પ્રકાશ પાડતા પોલીસે જણાવ્યું હતું કે ભરત સિંહનો રેતી ખનન અંગે આ વિસ્તારમાં ત્રિપાઠી પરિવાર સાથે લાંબા સમયથી વિવાદ હતો.
મંગળવારે વિવાદ બાદ બંને વચ્ચે તણાવ વધ્યો હતો, જેના કારણે હત્યા થઈ હતી. તપાસ ચાલુ છે અને પોલીસ દ્વારા વધુ વિગતો પછીથી જાહેર કરવામાં આવશે.
“નવ આરોપીઓના નામ હ્લૈંઇમાં આપવામાં આવ્યા છે અને અન્યનો પણ ઉલ્લેખ છે. તેમાંથી ચારની ધરપકડ કરવામાં આવી છે. બાકીના આરોપીઓની પણ શોધ ચાલી રહી છે. પક્ષો વિવાદમાં હતા,” ૈંય્ સુરગુજા દીપક કુમાર ઝાએ બુધવારે મીડિયાને માહિતી આપતા જણાવ્યું હતું.
કોંગ્રેસે ભાજપ પર આકરા પ્રહારો કર્યા
આ ઘટનાએ કોંગ્રેસને શાસક ભાજપ પર હુમલો કરવાની તક આપી છે. પાર્ટીએ આરોપ લગાવ્યો હતો કે ભરત સિંહ ભાજપ સાથે સંકળાયેલા હતા અને રાજ્યમાં રેતી ખનન અંગે વિવાદો વધી રહ્યા છે. જાેકે, ભગવા પક્ષે હજુ સુધી સિંહના તેની સાથે જાેડાણ અંગે કોઈ નિવેદન જારી કર્યું નથી.
“છત્તીસગઢમાં રેતી માફિયાઓ સરકારી આશ્રય હેઠળ કાર્યરત છે. ભાજપના નેતાઓના રક્ષણ હેઠળ ગેરકાયદેસર રેતી ખનન થઈ રહ્યું છે. મૃતક (ભરત સિંહ) ભાજપના નેતા હતા, અને હુમલાના આરોપીઓ પણ ભાજપ સાથે જાેડાયેલા છે,” છત્તીસગઢ કોંગ્રેસના પ્રમુખ દીપક બૈજે જણાવ્યું હતું.
આ ઘટના પર ક્ષત્રિય સમુદાયના સભ્યો તરફથી પણ પ્રતિક્રિયા આવી છે, જેમણે સેન્ટ્રલ બ્યુરો ઓફ ઇન્વેસ્ટિગેશન (ઝ્રમ્ૈં) દ્વારા તપાસની માંગ કરી છે. મુખ્યમંત્રી વિષ્ણુ દેવ સાંઈએ આ ઘટનાની નોંધ લીધી છે અને ખાતરી આપી છે કે કોઈને પણ બક્ષવામાં આવશે નહીં.