મુખ્ય નિર્વાચીન અધિકારીશ્રી, ગુજરાત રાજ્ય તરફથી મળેલ સૂચના મુજબ મતદારયાદીના પ્રમાણીકરણ હેતુ મુજબ દરેક મતદારના ચૂંટણીકાર્ડને તેના આધાર નંબર સાથે લિંકઅપ કરાવવા જરૂરી હોવાથી, જેને ધ્યાનમાં લઇને ૭૯- જામનગર દક્ષિણ વિધાનસભા મત વિસ્તારના તમામ બુથ લેવલ ઓફિસરશ્રી દ્વારા મતદારોના ઘરે-ઘરે જઈને સંબંધિત મતદારની સહમતી મેળવી તેમના આધાર નંબર ચુંટણી કાર્ડ સાથે લિંકઅપ કરવા માટે લિંકઅપ પ્રક્રિયા ચાલુ છે.
જે-તે સંબંધિત મતદાર જો તેમનું આધાર કાર્ડ તેમના ચુંટણી કાર્ડ સાથે જાતે જ જો લિંકઅપ કરવા માંગતા હોય, તો તેમના સ્માર્ટફોન મારફત વોટર હેલ્પલાઇન એપ્લિકેશનની મદદથી કરી શકે છે. આગામી તા. ૨૨/૦૧/૨૦૨૩ના ૭૯- જામનગર દક્ષિણ વિધાનસભા મત વિસ્તારના તમામ બી.એલ.ઓ. શ્રી સંબંધિત મતદારોની મુલાકાત લઈ તેમના આધારકાર્ડ તેમના ચૂંટણીકાર્ડ સાથે લિંકઅપ કરવાની પ્રક્રિયા હાથ ધરવામાં આવશે. જેથી ૭૯ – જામનગર દક્ષિણના મતદારોને તેમના આધાર નંબર ચૂંટણીકાર્ડ નંબર સાથે લિંકઅપ કરવા માટે બી.એલ.ઓ. શ્રીને જરૂરી સાથ- સહકાર આપવા માટે મતદાર નોંધણી અધિકારી, ૭૯- દક્ષિણ વિ.સ.મ.વિ. અને જિલ્લા પુરવઠા અધિકારીશ્રી, જામનગર દ્વારા અનુરોધ કરવામાં આવ્યો છે.