રાજ્ય સરકાર દ્વારા કાર્યરત રમત ગમત, યુવા અને સાંસ્ક્રુતિક પ્રવૃત્તિઓ વિભાગ અંતર્ગત ગુજરાત રાજ્ય યોગ બોર્ડ, ગાંધીનગર દ્વારા યોગને પ્રોત્સાહન આપવા અને યોગ બોર્ડ સાથે સંકળાયેલા યોગ કો- ઓર્ડીનેટર, યોગ કોચ અને યોગ ટ્રેઈનર પ્રોત્સાહન મળે તે માટે ‘ગુજરાત રાજ્ય યોગ એવોર્ડ’ આપવાનું નક્કી કરવામાં આવ્યું છે.
ગુજરાત રાજ્ય યોગ એવોર્ડ મેળવવા માટે અરજીકર્તાનો યોગ ક્ષેત્રમાં ઓછામાં ઓછા ૩ વર્ષનો અનુભવ હોવો જોઈએ. તેઓ યોગ બોર્ડનું યોગ કોચ, યોગ ટ્રેઈનર તરીકેનું સર્ટિફિકેટ ધરાવતા હોવા જોઈએ. અરજીકર્તાઓએ માટે ઉંમરનો કોઈ બાધ નથી. અરજી પત્રક સાથે અપડેટ કરેલી પ્રોફાઈલ, નામ, ફોન નંબર, સરનામાંની વિગત, તેમના કાર્યનો ફોટા સાથેનો અનુભવ અને અન્ય જરૂરી પુરાવાઓ જોડીને મહત્તમ ૫ પાનાં સુધીની અરજી આગામી તા.૧૦ માર્ચ સુધીમાં જિલ્લા યુવા વિકાસ અધિકારીશ્રી, જિલ્લા રમત ગમત કચેરી, બ્લોક નં.૧, પ્રથમ માળ, બહુમાળી ભવન, સરદાર બાગ,જૂનાગઢ ખાતે કચેરી સમય દરમિયાન રૂબરૂ જમા કરાવવાની રહેશે.
આ અંગે વધુ માહિતી માટે કચેરીના ફોન નં. ૦૨૮૫ – ૨૬૩૦૪૯૦ પર સંપર્ક કરવાનો રહેશે. તેમ જિલ્લા યુવા વિકાસ અધિકારી શ્રી એન.ડી.વાળા ની યાદીમાં જણાવવામાં આવ્યું છે.