ગતરોજ તા.૨૪ જુલાઈએ જિલ્લા બાળ સુરક્ષા એકમ છોટાઉદેપુર દ્વારા તાલુકા બાળ સુરક્ષા સમિતિની ત્રિમાસિક બેઠક તાલુકા પંચાયત હૉલ ખાતે યોજવામાં આવેલ. આ મીટીંગમાં તાલુકા પ્રમુખ રમેશભાઈ રાઠવા, ચાઇલ્ડ વેલ્ફેર કમિટીના ચેરપર્સન મુકેશભાઈ જે.પટેલ, જિલ્લા બાળ સુરક્ષા એકમના અધિકારી રવિદાસ રાઠવા તેમજ અન્ય સ્ટાફ, તાલુકા હેલ્થ ઓફિસર, ચાઇલ્ડ ડેવલોપમેન્ટ પ્રોજેકટ ઓફિસર, દીપક ફાઉન્ડેશન તેમજ મિરકેલ ફાઉનડેશન ગાધીનગરના પ્રતિનિધિઓ હાજર રહેલ હતા. મિશન વાત્સલ્ય યોજના, ચાઇલ્ડ હેલ્પ લાઇન ૧૦૯૮, બાળ સુરક્ષા એકમ અને સમાજ સુરક્ષા વિભાગની યોજનાઓ, ગ્રામ્ય બાળ સુરક્ષા સમિતીને સક્રિય કરવા, અને ગ્રામ્ય લેવલેથી બાળકોની વિવિધ યોજનાઓનું અમલીકરણ થાય તે અંગે સરપંચો, તલાટી કમ મંત્રીઓ, અને આશાવર્કરો અને સ્થાનિક આગેવાનોને સહભાગી બનાવી પ્રચાર-પ્રસાર કરવા તાલુકા પ્રમુખ દ્વારા સૂચનો કરવામાં આવેલા હતા. ઉપરાંત બાળકો માટે પ્રાથમિકતા આપી સક્રિય રીતે સરકારશ્રીના વિવિધ વિભાગો સાથે સંકલનમાં રહી યોજનાઓનો મહતમ લાભ અપાવવા અનુમોદન કરવામાં આવ્યું હતું.
રિપોર્ટર રેહાન પટેલ છોટાઉદેપુર
