છોટાઉદેપુર જિલ્લામાં વસતા રાઠવા આદિવાસીઓમાં પીઠોરા દેવતાને માન્યતા આપવામાં આવે છે. રાઠવા આદિવાસીઓ તેમના ઘરની દિવાલ પર પીઠોરા ચિત્રો કરી દેવતાઓનું આહ્વાન કરતા હોય છે અને વાર-તહેવારે પીઠોરા દેવની પૂજા કરતા હોય છે. પીઠોરા ચિત્રોની આગવી કળાને બાળકો-વિદ્યાર્થીઓ જાણે અને શીખે એ માટે કુષ્ણકુમારસિંહજી ગોહિલ દ્વારાં સાવરકુંડલા ખાતે છેલ્લા ત્રણ મહિનાથી પીઠોરા ચિત્રો બાળકો-વિદ્યાર્થીઓને શિખવાડી રહ્યાં છે. તેમજ કુષ્ણકુમારસિંહજી ગોહિલ દ્વારાં પીઠોરા આર્ટ ગેલેરીનુ આયોજન કરવામાં આવ્યુ હતું. જેમા બાળકો-વિદ્યારર્થીઓ પીઠોરા ચિત્રો વિશે જાણે, પીઠોરા ચિત્રો શીખે અને પોતાની સર્જનાત્મક શક્તિઓનો વિકસા થાય તે હેતુથી આ આર્ટ ગેલેરીનું આયોજન કરવામાં આવ્યુ હતું.
