દર વર્ષે ૧૩/૧૪/૧૫ જાન્યુઆરીએ આદિવાસી એકતા પરિષદ દ્વારા આદિવાસી સાંસ્કૃતિક એકતા મહાસંમેલન નું આયોજન થાય છે. જે આ વર્ષે મહારાષ્ટ્ર ના પીપલનેર નજીક ના પાનખેડા ખાતે યોજાનાર છે. આદિવાસી એકતા પરિષદ દ્વારા યોજાતા આ ત્રીદિવસીય આદિવાસી સાંસ્કૃતિક એકતા મહાસંમેલન માં ગુજરાત, રાજસ્થાન,મહારાષ્ટ્ર, દાદરા નગર હવેલી, મધ્યપ્રદેશ, છત્તીસગઢ, ઝારખંડ, ઓરિસ્સા,આસામ, ત્રિપુરા, નાગાલેન્ડ, મણીપુર, લેહ લદ્દાખ સહિત સમગ્ર ભારતમાં આદિવાસી વસ્તી ધરાવતા તમામ રાજ્યોમાંથી ઉપરાંત આદિવાસી વસ્તી ધરાવતા અન્ય દેશો માં થી પણ આદિવાસીઓ મોટી સંખ્યામાં ઉમટી પડતા હોય છે.
છોટાઉદેપુર જિલ્લા નાં આદિવાસી એકતા પરિષદ નાં વાલસિંગભાઇ રાઠવા જણાવે છે કે આદિવાસી સંસ્કૃતિ અને આદિવાસી જીવનશૈલી અને માનવીય મૂલ્યોનું પતન, વિકાસના નામે થઈ રહેલા પશ્ચિમી જીવનશૈલી અને પશ્ચિમી સંસ્કૃતિના આક્રમણને કારણે આજે ભારતીય સંસ્કારી સંસ્કૃતિ પણ જોખમમાં છે.
વિશ્વના ચિંતકો અને બુદ્ધિજીવીઓએ હંમેશા આદિવાસી સંસ્કૃતિ, આદિવાસી જીવનશૈલીના જતનની વાત કરીને ચિંતાઓ વ્યક્ત કરી છે. અને આજે વિશ્વમાં વિકાસ અને પરિવર્તનનો દોર કે જે પ્રકૃતિને ભારે નુકસાન પહોંચાડી રહ્યું છે, પર્યાવરણમાં બિન-મોસમી ફેરફારોને કારણે કહેવાતી કુદરતી આફતો જેમ કે ભારે વરસાદ અથવા દુષ્કાળ, ધરતીકંપ, ભૂસ્ખલન અને વધુ ગરમી વગેરે માનવસર્જિત બની રહી છે જેનો વિશ્વ સતત સામનો કરી રહ્યું છે.
આવા સમયે આદિવાસીઓની જીવનશૈલી, માનવીય મૂલ્યો, કલા, સંસ્કૃતિ અને આદિવાસી પરંપરાઓ જૂના જમાનાની વાર્તા બની રહી છે અને કુદરતી સંસાધનોની ઉઘાડી લૂંટ, વન્યજીવોનો સામૂહિક વિનાશ અને મનુષ્ય સહિત અન્ય જીવોના વિસ્થાપન જેવી અનેક સમસ્યાઓ અટકી રહી છે અને તેમનું અસ્તિત્વ જોખમમાં છે.
આદિવાસી એકતા પરિષદના આંતરરાષ્ટ્રિય સાંસ્કૃતિક એકતા પરિષદમાં આદિવાસીઓ, તેમની સંસ્કૃતિ અને કળા, પહેરવેશ, ઘરેણાં, કપડાં, આદિવાસી શસ્ત્રો, ભાષાઓ, વિવિધ પ્રદેશોમાંથી, ભારતના વિવિધ આદિવાસી વિસ્તારોમાથી આદિવાસી ઓના વૈવિધ્ય પૂર્ણ સાંસ્કૃતિક વારસાની ઝાંખી પ્રસ્તુત કરવામાં આવે છે.
આંતરરાષ્ટ્રીય સાંસ્કૃતિક સંમેલનમાં છેલ્લા ૩૨ વર્ષથી આયોજિત એકીકરણ, દેશના આદિવાસી બાહુલ્ય રાજ્યો સહિત વિશ્વભરમાંથી લોકો એકત્ર થાય છે.
રિપોર્ટર રેહાન પટેલ છોટાઉદેપુર