ડાંગ જિલ્લાના સાપુતારા પોલીસે એક મહત્વપૂર્ણ સફળતા મેળવી છે. પોલીસે દારૂના કેસમાં લાંબા સમયથી વોન્ટેડ આરોપીની ધરપકડ કરી છે.
સાપુતારા પોલીસ મથકના પી.આઈ. આર.એસ. પટેલના માર્ગદર્શન હેઠળ આ કાર્યવાહી કરવામાં આવી. પોલીસની ટીમે હ્યુમન રિસોર્સ અને ટેકનિકલ એનાલિસિસની મદદથી આરોપીને ઝડપી પાડ્યો છે.
આરોપી મોહીન અજભાઈ પરમાર અમરેલીમાં રહે છે. તેની સામે પ્રોહિબિશન એક્ટની કલમ 5(2)(ઇ), 98(2), 81, 83 અને 116(બી) હેઠળ ગુનો નોંધાયેલો હતો. મહત્વપૂર્ણ બાબત એ છે કે આ આરોપી અમરેલી સિટી પોલીસ સ્ટેશનમાં પણ દારૂના કેસમાં વોન્ટેડ છે.
હાલમાં પી.આઈ. આર.એસ. પટેલની ટીમે આરોપીની ધરપકડ કરીને આગળની કાયદેસરની કાર્યવાહી શરૂ કરી છે.