પલસાણા તાલુકાના કરણ ગામમાં એક મહિલાનું નહેરમાં ડૂબી જવાથી મોત થયું છે. ૧૪ ઓક્ટોબર, ૨૦૨૬ના રોજ બપોરે ૩:૩૦ વાગ્યે આ ઘટના બની હતી. સાકી ગામના મંદિર ફળિયામાં રહેતા ૪૭ વર્ષીય નીરૂબેન મુકેશભાઈ રાઠોડ ચલથાણથી સચીન જતી નહેરમાં પડી ગયા હતા.
પરિવારજનોએ પલસાણા પોલીસને જાણ કરી હતી. પોલીસે અકસ્માતે મોતનો ગુનો નોંધ્યો છે. આ બનાવ અંગે પલસાણા પોલીસ સ્ટેશનમાં ભારતીય નાગરિક સુરક્ષા સંહિતા, ૨૦૨૩ની કલમ ૧૯૪ મુજબ નોંધ કરવામાં આવી છે. મહિલા નહેરમાં કયા કારણોસર પડી હતી, તે અંગે પોલીસ વધુ તપાસ કરી રહી છે.