ગોધરા તાલુકાના રતનપુર રેલીયા પ્રાથમિક શાળામાં નવા છ ઓરડાના નિર્માણ કાર્યનું ખાતમુહૂર્ત કરવામાં આવ્યું છે. આ પહેલ શાળાના શૈક્ષણિક વિકાસને વધુ વેગ આપવા માટે કરવામાં આવી છે.
આ પ્રસંગે ગોધરા વિધાનસભાના ધારાસભ્ય સી. કે. રાઉલજી ખાસ ઉપસ્થિત રહ્યા હતા. તેમણે નવા બાંધકામ કાર્યને શુભેચ્છાઓ પાઠવી હતી. ધારાસભ્ય રાઉલજીએ જણાવ્યું હતું કે, વિદ્યાર્થીઓને ગુણવત્તાયુક્ત શિક્ષણ માટે આધુનિક સુવિધાઓ ઉપલબ્ધ કરાવવી એ વિકાસની મહત્વપૂર્ણ કડી છે.
નવા ઓરડાના નિર્માણથી શાળાના વિદ્યાર્થીઓને વધુ સારી શૈક્ષણિક સુવિધાઓ મળશે અને શાળાના માળખાકીય વિકાસમાં વધારો થશે. આ પ્રસંગે શાળાના શિક્ષકો, ગ્રામજનો અને આગેવાનો પણ ઉપસ્થિત રહ્યા હતા.