સુરેન્દ્રનગરના ચાર હાજી સાઉદી અરેબિયામાં ફ્લાઈટ રદ થતા મક્કામાં ફસાયા છે. તેઓ ઉમરાહ કરવા ગયા હતા. રિયાધ એરપોર્ટ પર હૂતી વિદ્રોહીઓના હુમલા બાદ ફ્લાઈટ સેવાઓ પર અસર પડી છે.
હાજી બટુકભાઈ અને હાજી રહીમભાઈ સહિત ચાર યાત્રીઓ 17 સપ્ટેમ્બરે ઇરાકમાં જિયારત અને ઉમરાહ માટે નીકળ્યા હતા. તેઓ 13 ઓક્ટોબરે અમદાવાદ પરત ફરવાના હતા, પરંતુ ફ્લાઈટ રદ થતા મક્કાની હોટેલમાં રોકાવું પડ્યું છે. યાત્રીઓએ જણાવ્યું કે તેઓ સુરક્ષિત છે.
યાત્રીઓએ જણાવ્યું છે કે તેઓ તમામ સુરક્ષિત છે અને હાલ કોઈ મુશ્કેલીનો સામનો કરી રહ્યા નથી. બીજી તરફ, ભારત અને સાઉદી અરેબિયા વચ્ચેની ફ્લાઇટ કામગીરીમાં અવરોધોને ધ્યાનમાં રાખીને જેદ્દાહ સ્થિત ભારતીય કોન્સ્યુલેટ જનરલે ભારતીય નાગરિકો માટે માર્ગદર્શક સૂચના જાહેર કરી છે.
યાત્રીઓએ વધુમાં જણાવ્યું કે, હાલ તેઓ તમામ સુખરૂપ છે અને ત્યાં અન્ય કોઈ સ્થળે કોઈ મુશ્કેલીનો સામનો કરવો પડ્યો નથી. પરિસ્થિતિ વચ્ચે પણ સુરક્ષિત હોવા બદલ તેમણે અલ્લાહ તઆલાનો આભાર વ્યક્ત કર્યો છે અને તેમની યાત્રા સરળતાથી પૂર્ણ થાય તથા વહેલી તકે વતન પરત ફરી શકે તે માટે દુઆ કરી છે.