ગુજરાત કાઉન્સિલ ઓન સાયન્સ એન્ડ ટેક્નોલોજી ગાંધીનગર દ્વારા પ્રેરિત ઉત્થાન લોક વિજ્ઞાન કેન્દ્ર છોટાઉદેપુર અને એસ એફ હાઈસ્કૂલ છોટાઉદેપુર ના સંયુક્ત ઉપક્રમે આજ રોજ તારીખ -22/09/2022 ના દિવસે જિલ્લા કક્ષાના નેશનલ સાયન્સ સેમિનાર 2022નું આયોજન કરવામાં આવ્યું. આ કાર્યક્રમમાં છોટાઉદેપુર જિલ્લાની અલગ અલગ શાળાના બાળકો એ આપેલ વિષય :”સતત વિકાસ માટે મૂળભૂત વિજ્ઞાન : પડકારો અને સંભાવના “ ઉપર વક્તવ્ય દ્વારા પોતાના વિચારો રજૂ કર્યા હતા. જેમાં મુખ્ય મહેમાન તરીકે છોટાઉદેપુર જિલ્લા શિક્ષણાધિકારી અને શાળાના આચાર્ય હાજર રહ્યા હતા. આ કાર્યક્રમ ના વિજેતાઓને મુખ્ય મહેમાનોના હસ્તે ઇનામ તથા પ્રમાણપત્ર એનાયત કરવામાં આવ્યા હતા. આ કાર્યક્રમમાં વિજેતા થયેલ પ્રથમ અને દ્વિતીય ક્રમના વિદ્યાર્થી આગામી સમયમાં રાજ્ય કક્ષા એ ભાગ લઇ પોતાના વિચારો રજૂ કરશે.
રિપોર્ટર રેહાન પટેલ છોટાઉદેપુર
