*પ્રેસ નોટ તા.૦૧/૦૫/૨૦૨૦*
*કોરોનો વાયરસને ફેલાતો અટકાવવા લાગુ કરવામાં આવેલ લોક ડાઉન નો ભંગ કરતા ૧૨૭ ઇસમો સામે ૭૨ ગુન્હાઓ દાખલ કરી ૧૪૨ વાહનો ડીટેઇન કરતી અમરેલી જિલ્લા પોલીસ*
💫 વર્તમાન પરિસ્થિતીમાં કોરોના વાયરસને વૈશ્વિક મહામારી ઘોષિત કરવામાં આવેલ છે અને દેશભરમાં *nCOVID –19* ના સંક્રમણને અટકાવવા માટે તા.૨૩/૦૩/૨૦૨૦ નાં રાત્રીનાં ૧૨/૦૦ વાગ્યાથી રાજ્યભરમાં *‘‘લોક ડાઉન’’* જાહેર કરવામાં આવેલ છે.
💫 જે અનુસંધાને *અમરેલી પોલીસ અધિક્ષક શ્રી.નિર્લિપ્ત રાય સાહેબ* દ્વારા અમરેલી જિલ્લાના મહત્વના એન્ટ્રી / એક્ઝીટ પોઇન્ટ પર *૪૧ ચેકપોસ્ટ* શરૂ કરી, નાકાબંધી કરી, ‘‘લોક ડાઉન’’ નો ચુસ્ત પણે અમલ કરાવવા અમરેલી જિલ્લા પોલીસ તંત્રને જરૂરી સુચના અને માર્ગદર્શન આપવામાં આવેલ છે.
💫 ગઇ કાલ તા.૩૦/૦૪/૨૦૨૦ ના રોજ લોક ડાઉનનો ભંગ કરતાં *કુલ ૧૨૭ ઇસમો વિરૂધ્ધ ધી એપેડેમીક ડીસીઝ એક્ટ ૧૮૯૭ તથા ઇ.પી.કો. ૧૮૬૦ તથા ડીઝાસ્ટર મેનેજમેન્ટ એક્ટ ૨૦૦૫ ની જુદી જુદી કલમો હેઠળ ૭૨ ગુન્હાઓ દાખલ કરી વાહનો કબ્જે કરવામાં આવેલ છે તથા ૧૪૨ વાહનો ડીટેઇન* કરવામાં આવેલ છે.
💫 કોરોના મહામારીની ગંભીરતાને હળવાશથી લઇ *વાહનો લઇને તેમજ વાહનો વગર બિનજરૂરી આંટા-ફેરા મારતા ૨૫ ઇસમો* સામે લાઠી, ચલાલા, વડીયા, સાવરકુંડલા ટાઉન, બાબરા, ધારી, બગસરા, અમરેલી તાલુકા, જાફરાબાદ, અમરેલી સીટી, રાજુલા અને ખાંભા પોલીસ સ્ટેશનમાં *૨ર ગુન્હાઓ* રજી. કરાવવા માં આવેલ છે.
💫 *બિનજરૂરી કામ વગર જાહેરમાં તથા ધાર્મિક સ્થળોએ ભેગા થઇ ટોળા વળી, સોશ્યલ ડીસ્ટન્સ નહીં જાળવી, જાહેરનામાનો ભંગ કરતાં ૩૩ ઇસમો* સામે સાવરકુંડલા ટાઉન, અમરેલી સીટી અને ખાંભા પો.સ્ટે.માં *૬ ગુન્હા* રજી. થયેલ છે.
💫 *માસ્ક પહેર્યા વગર તથા સેનીટાઇઝર સાથે નહીં રાખી મુસાફરી* કરતાં મળી આવી જાહેર આરોગ્ય સાથે ચેડાં કરતાં *૬ ઇસમો* વિરૂધ્ધ મરીન પીપાવાવ, દામનગર, રાજુલા અને ડુંગર પો.સ્ટે.માં *૫ ગુન્હા* રજી. કરવામાં આવેલ છે.
💫 આ ઉપરાંત જિલ્લા મેજિસ્ટ્રેટશ્રી અમરેલીનાઓ તરફથી બહાર પાડવામાં આવેલ *જાહેર આરોગ્ય અંગેના જાહેરનામાનો ભંગ કરતા ૨૧ ઇસમો* વિરૂધ્ધ દામનગર, વંડા, લીલીયા અને નાગેશ્રી પોલીસ સ્ટેશનમાં *૧૧ ગુન્હા* રજી. કરવામાં આવેલ છે.
💫 *દુકાન ખુલ્લી રાખી, ગે.કા. વેચાણ કરી, ટોળા ભેગા કરી, સેનીટાઇઝર કે માસ્કની વ્યવસ્થા નહીં રાખી જાહેરનામાનો ભંગ કરતા ૧ ઇસમ* વિરૂધ્ધ મરીન જાફરાબાદ પોલીસ સ્ટેશનમાં *૧ ગુન્હો* રજી. કરવામાં આવેલ છે.
💫 *અસરગ્રસ્ત વિસ્તારો વાળા જિલ્લામાંથી અમરેલી જિલ્લામાં પ્રવેશ કરતાં ૩૮ ઇસમો* વિરૂધ્ધ લાઠી, ચલાલા, સાવરકુંડલા રૂરલ, ધારી, બગસરા, અમરેલી તાલુકા અને ડુંગર પો.સ્ટે.માં *૨૪ ગુન્હા* રજી. કરવામાં આવેલ છે.
💫 *હોમ કોરેન્ટાઇનની સુચના આપેલ હોવા છતાં જાહેરમાં નીકળી, જાહેર આરોગ્ય સાથે ચેડાં કરી, જાહેરનામાનો ભંગ કરતા ૩ ઇસમો* વિરૂધ્ધ સાવરકુંડલા ટાઉન પો.સ્ટે.માં *૩ ગુન્હા* રજી. કરવામાં આવેલ છે.
💫 આમ, કોરોના વાયરસની વૈશ્વિક મહામારીના સંક્રમણને રોકવા *અમરેલી પોલીસ અધિક્ષક શ્રી.નિર્લિપ્ત રાય સાહેબ* ની સુચના અને માર્ગદર્શન મુજબ *અમરેલી જિલ્લા પોલીસ કટિબધ્ધ અને સતત કાર્યશીલ છે.*
