ભારત સરકારના માનવ સંસાધન વિકાસ મંત્રાલય દ્વારા લેવામાં આવેલ નેશનલ મીન્સ કમ મેરીટ સ્કોલરશીપમાં શ્રી વિશણવેલ પ્રાથમિક શાળામાં ધોરણ ૮માં અભ્યાસ કરતા વિદ્યાર્થી મોકરીયા રાકેશ દ્વારા ૧૦૫ માર્કસ મેળવી મેરીટમાં સ્થાન પ્રાપ્ત કર્યું છે. મેરીટમાં સ્થાન પ્રાપ્ત કરતા મોકરીયા રાકેશને સરકાર દ્વારા ચાર વર્ષ માટે દર મહિને રૂ. ૧૦૦૦ ની સ્કોલરશીપ આપવામાં આવશે. આ સીદ્ધી બદલ શાળાના આચાર્યશ્રી પ્રતાપસિંહ ડોડીયા, શાળા પરિવાર, સરપંચશ્રી, ગ્રામજનો અને તેમના પરિવારે વિદ્યાર્થી રાકેશને અભિનંદન પાઠવ્યા હતા.
