મુંબઈ
કબીર બેદીનો જન્મ ૧૬ જાન્યુઆરી ૧૯૪૬ના રોજ એક શીખ પરિવારમાં થયો હતો. તેમના પિતાનું નામ બાબા પ્યારે લાલ સિંહ બેદી છે જેઓ પંજાબી શીખ, લેખક અને ફિલોસોફર પણ હતા. તેમની માતાનું નામ ફ્રેડી બેદી છે, જે એક બ્રિટિશ મહિલા હતી. તેની માતાનો જન્મ ઇંગ્લેન્ડના ડર્બીમાં થયો હતો. કબીર બેદીએ ઉત્તરાખંડના નૈનીતાલની શેરવુડ કોલેજ અને સ્ટીફન કોલેજમાંથી શાળાનું શિક્ષણ મેળવ્યું હતું અને દિલ્હીથી ગ્રેજ્યુએશન કર્યું હતું. કબીર બેદીએ ચાર લગ્ન કર્યા છે, જેની સાથે તેમને ત્રણ બાળકો છે – પૂજા, સિદ્ધાર્થ અને એડમ. તમને જણાવી દઈએ કે કબીર બેદીએ પહેલા લગ્ન પ્રોતિમા બેદી સાથે કર્યા હતા, જે ઓડિસી ડાન્સર હતી. કબીર-પ્રોતિમાની પુત્રી પૂજા બેદી છે, જે કટારલેખક છે. તેમનો બીજાે પુત્ર સિદ્ધાર્થ કાર્નેગી મેલોન યુનિવર્સિટીમાં અભ્યાસ કરવા માટે યુએસ ગયો હતો, જ્યાં તેને સ્કિઝોફ્રેનિયા બીમારી હોવાનું નિદાન થયું હતું, ત્યારબાદ તેણે આત્મહત્યા કરી હતી. પ્રોતિમા સાથે લગ્ન કર્યા બાદ કબીર બેદી અને બોલિવૂડ એક્ટ્રેસ પરવીન બાબીના લવ અફેરની ચર્ચાઓ જાેરશોરથી ચાલી રહી હતી. આ સમાચાર તે સમયે ચર્ચાનો વિષય બન્યા હતા. વર્ષ ૧૯૯૦ માં કબીર બેદીએ ફરીથી નિક્કી બેદી સાથે લગ્ન કર્યા હતા. પરંતુ વર્ષ ૨૦૦૫માં બંનેના છૂટાછેડા થઈ ગયા, ત્યારબાદ તેણે પરવીન દોસાંઝને ડેટ કરવાનું શરૂ કર્યું અને તેણે તેના ૭૦માં જન્મદિવસે પરવીન સાથે લગ્ન કર્યા. પરવીન કબીરથી ૨૯ વર્ષ નાની છે અને અભિનેતા આફતાબ શિવદાસાનીની પત્ની નિન દોસાંજની બહેન છે. કબીર બેદીએ પોતાની કરિયર ભારતીય થિયેટરથી શરૂ કરી હતી, ત્યારબાદ તેઓ બોલિવૂડ ફિલ્મો તરફ વળ્યા હતા. તમારી માહિતી માટે, અમે તમને જણાવી દઈએ કે કબીર બેદી ભારતના પ્રથમ આંતરરાષ્ટ્રીય કલાકારો પૈકી એક છે જેમણે હિન્દી ફિલ્મોમાં પોતાનું ડેબ્યુ કર્યું, હોલીવુડની ફિલ્મોમાં કામ કર્યું અને યુરોપમાં એક મહાન સ્ટાર તરીકે ઉભરી આવ્યા છે.કબીર બેદીને આજે કોણ નથી ઓળખતું. તે એક મહાન અભિનેતા અને વોઈસ આર્ટિસ્ટ પણ છે. કબીર બેદી તેમના ભારે અવાજ માટે પણ જાણીતા છે. કબીર બેદી વિશે એક વાત કદાચ તમે નહીં જાણતા હોય કે તેઓ માત્ર ભારતમાં જ નહીં પરંતુ યુનાઇટેડ સ્ટેટ્સ અને ઇટાલીમાં પણ એક્ટિવ છે. કબીર બેદી બોલિવૂડ ફિલ્મોમાં વિલનના રોલ માટે જાણીતા છે. તેણે બોલિવૂડની ઘણી ફિલ્મોમાં વિલનની ભૂમિકા ભજવી છે. આ ફિલ્મોમાં ‘ખૂન ભરી માંગ’, ‘મોહેંજાે દાડો’, ‘સાહેબ બીવી ઔર ગેંગસ્ટર’ મુખ્ય છે. કબીર બેદીએ ભારતીય થિયેટરથી પોતાની કરિયરની શરૂઆત કરી હતી, ત્યારબાદ તેઓ હિન્દી ફિલ્મો તરફ વળ્યા. કબીર બેદી એવા કલાકારો પૈકી એક છે જેમણે હોલીવુડ ફિલ્મોમાં પણ કામ કર્યું હતું. હલચલ , સીમ, સજા, ઇશ્ક ઇશ્ક ઇશ્ક, અશાંતિ, કચ્ચે ધાગે, ખૂન ભરી માંગ, મેરા શિકાર, આખરી કસમ, કુર્બાન, યલગાર, મોહન-જાેદરો, મેં હૂં ના, કાઇટ્સ, શબ બીવી અને ગેંગસ્ટર વગેરે તેની સફળ ફિલ્મો છે.
