નવીદિલ્હી
ડિરેક્ટોરેટ ઓફ રેવન્યુ ઈન્ટેલિજન્સ (ડ્ઢઇૈં)એ આંધ્રપ્રદેશમાં અનેક સર્ચ ઓપરેશન દરમિયાન કુલ ૧૦.૨૭ કિલોગ્રામ દાણચોરીનું સોનું જપ્ત કર્યું છે, એમ કસ્ટમ્સે જણાવ્યું હતું. પહેલા સર્ચ ઓપરેશન દરમિયાન નેલ્લોર નજીક ચેન્નાઈ વિજયવાડા હાઈવે પર કારમાં સીટ કેવિટીમાં છુપાયેલું સોનું મળી આવ્યું હતું અને બાકીનું દાણચોરીનું સોનું હૈદરાબાદમાં ફોલોઅપ સર્ચમાં મળી આવ્યું હતું. આ કેસમાં કુલ ત્રણ લોકોની ધરપકડ કરવામાં આવી હતી અને તેમને ન્યાયિક કસ્ટડીમાં મોકલવામાં આવ્યા હતા. આવા જ એક કેસમાં ૩ મેના રોજ હૈદરાબાદ કસ્ટમ્સે દુબઈથી આવતા રાજીવ ગાંધી ઈન્ટરનેશનલ એરપોર્ટ પર બે મુસાફરો પાસેથી ૧૬.૫ લાખ રૂપિયાનું સોનું જપ્ત કર્યું હતું. પેસેન્જર્સની બેગની તપાસ કરતાં જાણવા મળ્યું કે ચોકલેટના કવરની અંદર ચોકલેટમાં સોનું છુપાવવામાં આવ્યું હતું. કાર્ટન બોક્સમાં રાખેલી ચોકલેટની અંદરથી કુલ ૧૩ નાના કટ સોનાના ટુકડા મળી આવ્યા હતા. જપ્ત કરાયેલા સોનાનું વજન લગભગ ૨૬૯ ગ્રામ છે, જેની કિંમત ૧૬.૫ લાખ રૂપિયા છે. અન્ય અસંબંધિત કેસમાં, મુંબઈ એરપોર્ટ પર ૧૮ સુદાનની મહિલા નાગરિકો અને એક ભારતીય પાસેથી પેસ્ટ સ્વરૂપમાં ૧૬ કિલોથી વધુ સોનું, કટ સોનાના ટુકડા અને રૂ. ૧૦.૧૬ કરોડની જ્વેલરી મળી આવી હતી. જપ્ત કરાયેલું મોટા ભાગનું સોનું શંકાસ્પદ મુસાફરોના શરીર પર છુપાયેલું મળી આવ્યું હતું, જેના કારણે તેને શોધી કાઢવું ??અત્યંત મુશ્કેલ હતું. ચોક્કસ બાતમીના આધારે ૨૪ એપ્રિલ, ૨૦૨૩ના રોજ ેંછઈથી મુંબઈ આવનારા મુસાફરોની સિન્ડિકેટ દ્વારા પેસ્ટના સ્વરૂપમાં સોનાની ભારતમાં દાણચોરી કરવામાં આવી રહી હોવાની, છત્રપતિ શિવાજી મહારાજ આંતરરાષ્ટ્રીય એરપોર્ટ મુંબઈ પર ડીઆરઆઈ અધિકારીઓની એક ટીમ દ્વારા દેખરેખ રાખવામાં આવી હતી.
