ઉના શહેરમાં ભિમપરા વિસ્તાર પાછળ ટીકરીયા ખારા નામથી ઓળખાતી જગ્યામાં મધ્ય રાત્રિના સિંહ પરીવાર આવી ચઢયો હતો. અને આ વિસ્તારમાં રખડતા પશુઓ પર હુમલો કરી શિકાર કર્યો હતો. અને બાદમાં સિંહણ તેમનાં બચ્ચા સાથે મીજબાની માણી હતી. જેથી આ વિસ્તારમાં રહેલાં લોકોમાં ભય ફેલાઇ ગયો હતો.
ઉનામાં ટીકરીયા ખારા વિસ્તારમાં મોડી રાત્રિના સમયે એક સિંહણ શિકારની શોધમાં આવી ચઢી હતી. અને આ વિસ્તારમાં આટાફેરા કર્યા બાદ વાછરડી તેમજ ગાયને નિશાન બનાવી તેના પર હુમલો કરી દીધો હતો. આ પશુનું મારણ કર્યું બાદ જતી રહી હતી. અને મધ્ય રાત્રિના ફરી આ સિંહણે તેમના ત્રણ બચ્ચાને સાથે લઈ જે સ્થળ પર પશુનું મારણ કર્યું તે જગ્યા પર આવી મારણની મીજબાની પરીવાર સાથે માણી હતી. જોકે આ વિસ્તારમાં સીમ વાડી વિસ્તાર હોય અવાર નવાર સિંહ પરીવાર શિકારની શોધમાં આવી ચડતા હોય છે. ત્યારે આ વિસ્તારમાં રહેતાં લોકોમાં ભયનું વાતાવરણ ફેલાયું હતું. આ સિંહ પરીવારની મિજબાનીનો વિડિયો વાયરલ થયો હતો..
