નર્મદા,
વિશ્વના પ્રસિદ્ધ સ્વામિનારાયણ મંદિર નીલકંઠ ધામ પોઇચામાં વિશ્વના સૌથી લાંબા ૧૦૦૮ ફૂટનો ફૂલોનો હાર રાજસ્થાન જનમંચના પ્રમુખ કૈલાશ સોનીના નેતૃત્વમાં સ્વામિનારાયણ મંદિરના સૌથી ઊંચા ગુંબજને ચઢાવવામાં આવ્યો હતો. આશ્રમના સ્વામિ સંતો , ભક્તો, જનપ્રતિનિધિઓ, વિવિધ સમાજના અગ્રણીઓની હાજરીમાં ફૂલોની વિશાળ માળા ગુંબજ પર અર્પણ કરવામાં આવી હતી.
વડોદરાના પ્રખ્યાત ફૂલના કુશળ ફૂલ કારીગરો દ્વારા આ ખાસ ફૂલનો હાર ૪૦૦કિલો તાજા ફૂલોથી બનાવવામા આવ્યો હતો. આ અગાઉ ગુજરાત રાજ્યના મોગલ ધામ પ્રતિષ્ઠા મહોત્સવ ૨૦૨૨ પ્રસંગે એક વિશ્વ રેકોર્ડ બનાવવામાં આવ્યોહતો.જેમાં વિશ્વનો સૌથી લાંબો અને ભારે ફૂલોની માળા બનાવવામાં આવી જેની લંબાઈ ૧૧૧ ફીટ અને વજન ૨૭૦ કિલો હતું. હવે આજે બનાવવામાં આવેલ હાર ની લંબાઈ ૧૦૦૮ફૂટ અને તેનું વજન ૪૫૦ કિલો છે.
