કાલાવડ તાલુકાને દુષ્કાળગ્રસ્ત જાહેર કરવાની માંગ સાથે સરપંચ સંગઠને જામનગર કલેક્ટરને આવેદનપત્ર આપ્યું. વરસાદની અછતથી ખેડૂતો અને ગ્રામ્ય વિસ્તારો મુશ્કેલીમાં છે. રાહત સહાય માટે તાત્કાલિક સર્વેની રજૂઆત કરાઈ. તાલુકાના અનેક ગામોમાં વરસાદ ઓછો પડ્યો છે. તેનાથી ખેતીના પાકને નુકસાન થવાની ચિંતા છે. ખેડૂતોએ કરેલો ખર્ચ નિષ્ફળ જવાની શંકા છે. આથી તેમને આર્થિક નુકસાન થઈ શકે છે.
ખેતીની સાથે પશુપાલન પર પણ અસર પડી શકે છે. ઘાસચારો અને પાણીની તંગી વધી શકે છે. સંગઠને માંગ કરી કે, તમામ ગામોમાં વરસાદ અને પાકની સ્થિતિનો સર્વે થાય. સર્વેના આધારે તાલુકાને દુષ્કાળગ્રસ્ત જાહેર કરી અસરગ્રસ્ત ખેડૂતોને પાક નુકસાનનું વળતર, કૃષિ સહાય, ઘાસચારો અને પીવાના પાણીની વ્યવસ્થા મળે.