પ્રોજેક્ટ ચિત્તા માટે એક ઐતિહાસિક સીમાચિહ્નરૂપ સફળતામાં, ભારતમાં જન્મેલી ૩૨ મહિનાની માદા ચિત્તા દ્ભત્નઁ૨૧ એ આજે કુનો નેશનલ પાર્ક ખાતે પાંચ તંદુરસ્ત બચ્ચાઓને જન્મ આપ્યો છે. આ સાથે જ ભારતમાં ચિત્તાઓની કુલ સંખ્યા વધીને ૬૦ થઈ ગઈ છે, જેમાં ભારતીય ધરતી પર જન્મેલા ૪૧ ચિત્તાઓનો પણ સમાવેશ થાય છે.
સોશિયલ મીડિયા પ્લેટફોર્મ ‘ઠ‘ પર એક પોસ્ટમાં આ જાહેરાત શેર કરતાં, કેન્દ્રીય પર્યાવરણ, વન અને આબોહવા પરિવર્તન મંત્રી શ્રી ભૂપેન્દ્ર યાદવે જણાવ્યું હતું કે મુખી અને દ્ભય્ઁ૧૨ પછી ક્યુનોમાં બચ્ચાંઓને જન્મ આપનારી દ્ભત્નઁ૨૧ એ ભારતમાં જન્મેલી ત્રીજી માદા ચિત્તા છે. તેમણે ઉમેર્યું હતું કે આ ઘટનાક્રમ ભારતના ચિત્તાઓની આગામી પેઢીના ઉદભવમાં એક મહત્વપૂર્ણ સીમાચિહ્નરૂપ છે.
શ્રી યાદવે જણાવ્યું હતું કે આ પાંચ બચ્ચાઓનો જન્મ ભારતમાં બોત્સ્વાના વંશાવલીની શરૂઆત પણ દર્શાવે છે, કારણ કે તેમના પિતા બોત્સ્વાનાથી લાવવામાં આવેલ નર ચિત્તા છે. તેમણે કહ્યું કે આનાથી ભારતમાં વધી રહેલી ચિત્તાઓની વસ્તીમાં એક નવો આનુવંશિક વંશ ઉમેરાય છે.
કેન્દ્રીય મંત્રીએ આ ઘટનાને ભારતીય ધરતી પર જન્મેલી ચિત્તાઓની આગામી પેઢી તરીકે વર્ણવી અને ભારતમાં ચિત્તાઓના પુન:સ્થાપનની ગાથામાં એક નવો અધ્યાય ઉમેર્યો.
શ્રી યાદવે પશુચિકિત્સકો, ફીલ્ડ સ્ટાફ, મેનેજરો અને પ્રોજેક્ટ ચિત્તા સાથે જાેડાયેલા દરેક વ્યક્તિને હાર્દિક અભિનંદન પાઠવ્યા હતા, જેમના સમર્પણ, પ્રતિબદ્ધતા અને અવિરત પ્રયાસોથી આ સફળતા શક્ય બની છે.