ભારત અને વેસ્ટ ઈન્ડિઝ વચ્ચેની વન-ડે શ્રેણીનો અંત ‘મેન ઇન બ્લુ‘ (ભારતીય ટીમ) દ્વારા ત્રણ મેચની શ્રેણી જીતવા સાથે થયો. શ્રેણીની પ્રથમ અને બીજી વન-ડે જીતીને ભારતે શ્રેણી પોતાના નામે કરી લીધી હતી, પરંતુ ત્રીજી વન-ડેમાં તેમને હારનો સામનો કરવો પડ્યો હતો. શ્રેણીની અંતિમ મેચ માટે ભારતનો મુકાબલો ન્યૂ ચંદીગઢમાં વેસ્ટ ઈન્ડિઝ સામે થયો હતો, જેમાં વેસ્ટ ઈન્ડિઝે શાનદાર પ્રદર્શન કરીને ભવ્ય જીત નોંધાવી હતી.
ઉલ્લેખનીય છે કે, વન-ડે શ્રેણીના સમાપન બાદ, ICC (ઇન્ટરનેશનલ ક્રિકેટ કાઉન્સિલ) એ મેચ દરમિયાન ધીમા ઓવર-રેટ (નિર્ધારિત સમયમાં ઓવર પૂરી ન કરવા) બદલ ભારત અને વેસ્ટ ઈન્ડિઝ બંને પર દંડ ફટકાર્યો હતો.
નોંધપાત્ર વાત એ છે કે ધીમા ઓવર-રેટ માટે ભારતીય ટીમની મેચ ફીમાંથી ૨૦ ટકા રકમ કાપી લેવામાં આવી હતી, જ્યારે વેસ્ટ ઈન્ડિઝની ફીમાંથી ૧૦ ટકા રકમ કાપવામાં આવી હતી. સમયની છૂટછાટને ધ્યાનમાં લીધા પછી પણ મહેમાન ટીમ (વેસ્ટ ઈન્ડિઝ) બે ઓવર પાછળ હોવાનું જણાયું હતું. બીજી તરફ, ભારતીય ટીમ ચાર ઓવર પાછળ રહી ગઈ હતી.
મેચ રેફરી પ્રકાશ ભટ્ટે ખેલાડીઓ અને ખેલાડી સહાયક કર્મચારીઓ માટેની ૈંઝ્રઝ્ર આચાર સંહિતાની કલમ ૨.૨૨ મુજબ બંને ટીમો પર આ દંડ લાદ્યો હતો. આ ઉપરાંત, ઓન-ફિલ્ડ અમ્પાયરો જયરામન મદનગોપાલ અને સેમ નોગાજસ્કી, થર્ડ અમ્પાયર શરફુદ્દૌલા અને ચોથા અમ્પાયર વીરેન્દ્ર શર્મા દ્વારા આ આરોપો મૂકવામાં આવ્યા હતા. બંને ટીમના કેપ્ટન, શુભમન ગિલ અને શાઈ હોપે આરોપો સ્વીકારી લીધા હતા, જેના કારણે ઔપચારિક સુનાવણીની જરૂરિયાત રહી ન હતી.
ત્રીજી વન-ડેમાં ભારતની હાર બાદ શુભમન ગિલે પોતાની પ્રતિક્રિયા આપી
ત્રીજી વન-ડેમાં હાર બાદ શુભમન ગિલે આ મેચ ભારતીય ટીમ માટે કેવી રહી તે વિશે વાત કરી હતી. તેમણે કહ્યું કે આ મુકાબલામાં ટીમે ઘણી સકારાત્મક બાબતો હાંસલ કરી હતી, પરંતુ ‘મેન ઇન બ્લુ‘ માટે હજુ પણ કેટલાક પાસાઓમાં સુધારાની જરૂર છે.
“ઘણી સકારાત્મક બાબતો જાેવા મળી. મને લાગે છે કે હજુ પણ કેટલાક એવા ક્ષેત્રો છે જેમાં ચોક્કસપણે સુધારાની જરૂર છે. હું ટીમ દ્વારા બનાવવામાં આવેલા કુલ સ્કોરથી ખૂબ ખુશ હતો. મને લાગ્યું કે મેચ અમારા નિયંત્રણમાં હતી. પરંતુ ઝાકળ (ઙ્ઘીુ) હોવા છતાં ચાર ઓવર પાછળ રહી જવું અને અંતિમ તબક્કામાં… મને લાગે છે કે તેમણે મેચ અમારા હાથમાંથી છીનવી લીધી. જાે આપણે ઓવર પાછળ ન રહ્યા હોત, તો કદાચ મેચ છેલ્લી ઓવર સુધી ખેંચાઈ હોત.”