રિપોર્ટર.મકસુદ કારીગર,કઠલાલ
રાષ્ટ્રપતિની ચૂંટણી હાલમાં જ પૂરી થઈ છે ત્યારે ભારતના પ્રથમ આદિવાસી મહિલા રાષ્ટ્રપતિ તરીકે દ્રૌપદી મુર્મુ ની જીત થઈ છે ત્યારે તેમની આ જીત ને સૌ લોકો દ્વારા અલગ અલગ રીતે વધાવવામાં આવી રહી છે અને શુભેચ્છાઓ આપવામાં આવી રહી છે.કઠલાલ તાલુકાના બગડોલ ખાતે ભારતીય જનતા પાર્ટી કઠલાલ તાલુકાના પ્રમુખ કિરણસિંહ ડાભી સહિત મફતભાઈ પરમાર,સોહિલ મલેક અને ભારતીય જનતા પાર્ટીના અગ્રણીઓ, હોદ્દેદારો તેમજ કાર્યકરો દ્વારા ભવ્ય આતશબાજી કરી જીતની ખુશી મનાવવામાં આવી અને દ્રૌપદી મુર્મુ ને રાષ્ટ્રપતિની ચૂંટણીમાં જીત થવા બદલ શુભેચ્છાઓ પાઠવવામાં આવી હતી.
