નવીદિલ્હી
હિમવર્ષા દરમિયાન રસ્તાઓ પર બરફ જામી જાય છે. જેના કારણે આવતા-જતા વાહનોને તકલીફ પડે છે. ક્યારેક બરફના રસ્તાઓ પર વાહન ચલાવવું જાેખમી બની શકે છે. વાહનચાલકો અવારનવાર રસ્તાઓ પર વાહનો પરનો કાબૂ ગુમાવે છે. તાજેતરમાં, કેનેડામાં એક માર્ગ અકસ્માતનો એક વીડિયો સામે આવ્યો છે, જેમાં એક બસ અચાનક રસ્તા પર લપસી જાય છે અને કાર સાથે અથડાય છે. ૧ ફેબ્રુઆરીની સવારે બનેલી ઘટનાના ઝ્રઝ્ર્ફ વાયરલ થઈ રહ્યાં છે. વેંકુવર સિટી ન્યૂઝ અનુસાર, આ ઘટનામાં કોઈને ઈજા નથી થઈ. આ ઘટના એક ઘરમાં લાગેલા સીસીટીવી કેમેરામાં કેદ થઈ હતી, જેની ક્લિપ સોશિયલ મીડિયા પર ખૂબ શેર થઈ. વીડિયોમાં એક જાેરદાર ધડાકો પણ સાંભળી શકાય છે કારણ કે કાબુ બહારની બસ બરફ સ્લિપ થાય છે અને અન્ય કાર સાથે અથડાય છે. ટિ્વટર પર શેર થયેલા વીડિયોએ સોશિયલ મીડિયા ધૂમ મચાવી દિધી છે. વીડિયો જાેયા પછી ઘણા યુઝર્સે વાહનો પર ખાસ સ્કિડ ફ્રી ટાયર ના લગાવવા માટે બસ કંપનીની ટીકા કરી છે. તે જ સમયે, કેટલાક વપરાશકર્તાઓએ એવી પણ સલાહ આપી હતી કે લોકોએ ખરાબ હવામાનમાં વાહન ચલાવવાનું ટાળવું જાેઈએ કારણ કે બરફીલા રસ્તાઓ અને પવન વચ્ચે આવી ઘટનાઓ વધુ બને છે.
