નવીદિલ્હી
અમદાવાદમાં ભારત અને ઓસ્ટ્રેલિયા વચ્ચે બોર્ડર ગાવસ્કર ટ્રોફીની ચોથી અને અંતિમ મેચ ડ્રોમાં પરિણમી હતી. ત્રીજી મેચમાં ઓસ્ટ્રેલિયાના વિજય બાદ આ મેચ નિર્ણાયક મેચ હતી. જાે ભારત જીતે તો ત્રણ એક સાથે સીરિઝ જીતી શકે એમ હતું અને ઓસ્ટ્રેલિયા જીતે તો સીરિઝ ડ્રો જઇ શકે એમ હતી. પણ મેચ ડ્રો જવાના કારણે બોર્ડર ગવાસ્કર ટ્રોફી ભારત પાસે જ રહેશે. પહેલી બે મેચોમાં ભારતનો શાનદાર વિજય થયો હતો. ત્યાર પછી ત્રીજી ટેસ્ટમાં ઓસ્ટ્રેલિયાએ ફાઇટ બેક કર્યું હતું અને ભારતને હરાવ્યું હતું. આખરી ટેસ્ટ મેચમાં અમદાવાદમાં પહેલી ઇનિંગમાં જ ઉસ્માન ખ્વાજા અને ગ્રીનની સદીના કારણે મેચ જામશે એવું લાગી રહ્યું હતું. પણ આખરે મેચ ડ્રો જતાં ભારત ઓસ્ટ્રેલિયા વચ્ચેની વધુ એક બોર્ડર ગાવાસ્કર ટ્રોફી ભારતે જીતી લીધી છે. આ સાથે બોર્ડર ગાવસ્કર ટ્રોફીમાં સતત ચોથી વખત ભારત જીત્યું છે. અગાઉ પણ ત્રણ વખત ભારત ચાર મેસ્ટની આ સીરિઝમાં ૨-૧થી જીતી ચૂક્યું છે. છેલ્લા દસ વર્ષમાં પહેલી વખત એવું બન્યું હતું કે ઘરઆંગણે ભારત સતત બે ટેસ્ટ મેચમાં જીત્યું નથી. એટ્લે કે અત્યાર સુધી દસ વર્ષમાં ઘરઆંગણે સતત બે મેચમાંથી એક પણ મેચ ભારત જીત્યું ન હોય એવું બન્યું જ નથી. આ વખતે ભારત પહેલી બે મેચ જીત્યું હતું. ત્યાર પછી એક મેચ હાર્યું હતું અને આખરી મેચ ડ્રો ગઈ હતી. ભારતીય ક્રિકેટ ટીમના પૂર્વ કેપ્ટન વિરાટ કોહલીએ ઓસ્ટ્રેલિયા સામે અમદાવાદ ટેસ્ટ મેચની પ્રથમ ઇનિંગમાં શાનદાર સદી ફટકારી હતી. આજે નરેન્દ્ર મોદી સ્ટેડિયમમાં પૂર્વ કેપ્ટન વિરાટ કોહલીએ ૩ વર્ષથી વધુ સમય બાદ ટેસ્ટ ક્રિકેટમાં સદી ફટકારી હતી. કોહલીએ ૧૮૬ રનની શાનદાર ઇનિંગ રમી હતી. કોહલીની ટેસ્ટ ક્રિકેટમાં આ ૨૮મી સદી છે જ્યારે તેની આંતરરાષ્ટ્રીય ક્રિકેટ કારકિર્દીની ૭૫મી સદી હતી. કોહલીએ અમદાવાદના નરેન્દ્ર મોદી ક્રિકેટ સ્ટેડિયમ ખાતે ચાલી રહેલી ૪ મેચની શ્રેણીની ચોથી અને છેલ્લી ટેસ્ટ મેચમાં આ શાનદાર ઇનિંગ રમી હતી. આ મેચ અમદાવાદના નરેન્દ્ર મોદી સ્ટેડિયમમાં રમાઈ રહી હતી. પ્રેક્ષકોનો ટીમોને ભરપૂર સપોર્ટ રહ્યો હતો. આ પહેલા વિરાટ કોહલીએ ટેસ્ટ ક્રિકેટમાં તેની છેલ્લી સદી ૨૨ નવેમ્બર ૨૦૧૯ના રોજ ફટકારી હતી. અમદાવાદમાં કિંગ કોહલીએ ૨૪૧ બોલમાં ૫ ચોગ્ગાની મદદથી સદી ફટકારી હતી. આ લગભગ ૩ વર્ષ બાદ ટેસ્ટમાં કોહલીએ સદી ફટકારી છે. અગાઉ કોહલીએ કોલકાતાના ઐતિહાસિક ઈડન ગાર્ડન્સ સ્ટેડિયમમાં પિંક બોલ ટેસ્ટ મેચમાં બાંગ્લાદેશ સામે ૧૩૯ રનની ઈનિંગ રમી હતી. વર્લ્ડ ટેસ્ટ ચેમ્પિયનશિપની વાત કરીએ તો ઓસ્ટ્રેલિયા ફાઈનલ માટે અગાઉ જ ક્વોલિફાઈ થઈ ગયું છે. ભારત અને શ્રીલંકાની ટીમો અત્યારે ફાઈનલની રેસમાં છે. અન્ય ટીમો બહાર થઈ ગઈ છે. પ્રથમ સિઝનમાં પણ ભારતીય ટીમ ટાઈટલ રાઉન્ડમાં પ્રવેશવામાં સફળ રહી હતી. જ્યાં ન્યૂઝીલેન્ડ સામે ભારતનો પરાજય થયો હતો. રોહિત શર્માની આગેવાનીમાં ટીમ ઈંડિયાએ ઈતિહાસ રચ્યો છે. ભારતીય ટીમે સતત બીજી વાર વર્લ્ડ ટેસ્ટ ચેમ્પિયનશિપની ફાઈનલમાં જગ્યા પાક્કી કરી લીધી છે. શ્રીલંકાએ ન્યૂઝીલેન્ડ વિરુદ્ધ ક્રાઈસ્ટચર્ચમાં રમાયેલ પ્રથમ ટેસ્ટમાં ૨ વિકેટથી હાર મળી. તેનો ફાયદો ટીમ ઈંડિયાને મળ્યો. મેચનના પાંચમા અને અંતિમ દિવસ સોમવારે ન્યૂઝીલેન્ડને જીત માટે ૨૫૭ રન બનાવાના હતા. તો વળી શ્રીલંકાને ૯ વિકેટની જરુર હતી. તેને ૨૮૫ રનનો ટાર્ગેટ મળ્યો હતો. વરસાદના કારણે રમત પ્રભાવિત થઈ, પણ કીવી ટીમે ટાર્ગેટને છેલ્લા બોલ પર ૮ વિકેટ ખોઈને પ્રાપ્ત કરી લીધો હતો. કેન વિલિયમ્સને સદી ફટકારી, તે ૧૨૧ રન બનાવીને નોટઆઉટ રહ્યો. ડેરિલ મિચેલે પણ ૮૧ રન બનાવ્યા. હવે શ્રીલંકાની ટીમ અંક મામલામાં ટીમ ઈંડિયાની બરાબરી કરી શકશે નહીં. ન્યૂઝીલેન્ડ પહેલા જ ફાઈનલની રેસમાંથી બહાર થઈ ચુકી છે.
