કચ્છ
ચક્રવાત બિપરજાેયની તબાહીમાંથી બહાર આવી રહેલા કચ્છમાં ગુરુવારે રાત્રે ભૂકંપના આંચકા અનુભવાયા હતા. જુલાઈ મહિનામાં બીજી વખત કચ્છની જનતાને આંચકો લાગ્યો છે. ગાંધીનગર સ્થિત ઇન્સ્ટિટ્યૂટ ઓફ સિસ્મોલોજીકલ રિસર્ચ અનુસાર, રિએક્ટર સ્કેલ પર આ ભૂકંપની કુલ તીવ્રતા ૩.૪ હતી. ગુજરાતના કચ્છ વિસ્તારમાં ભારત-પાકિસ્તાન આંતરરાષ્ટ્રીય સરહદ નજીક ૩.૦ની તીવ્રતાના ભૂકંપના આંચકા અનુભવાયા હતા. સત્તાવાર સૂત્રોએ શુક્રવારે આ માહિતી આપી હતી. ગાંધીનગર સ્થિત ઇન્સ્ટિટ્યૂટ ઓફ સિસ્મોલોજિકલ રિસર્ચ અનુસાર, ધરતીકંપની ઘટના સવારે ૧૨ઃ૧૬ વાગ્યે બની હતી અને તે ખાવડાથી ૩૫ કિમી ઉત્તર-ઉત્તર-પશ્ચિમમાં ૧૦ કિમીની ઊંડાઈએ કેન્દ્રિત હતું. આ ભૂકંપ આ મહિનામાં કચ્છ પ્રદેશમાં નોંધાયેલી બીજી નોંધપાત્ર ભૂકંપ ગતિવિધી છે. ૩ જુલાઈએ રાપરમાં ૩.૪ની તીવ્રતાનો ભૂકંપ આવ્યો હતો. તે ધરતીકંપનું કેન્દ્ર ચોબારી ગામથી થોડાક કિલોમીટર દૂર સ્થિત હતું, જે ૨૦૦૧માં આ પ્રદેશમાં આવેલા વિનાશક ભૂકંપનું કેન્દ્ર પણ હતું. ભૂસ્તરશાસ્ત્રીય ગતિશીલતા પર વધુ સારી માહિતી મેળવવા માટે ૈંજીઇ પ્રદેશમાં ધરતીકંપની ગતિવિધિઓ પર નજીકથી નજર રાખી રહ્યું છે. ગયા મહિને કચ્છને પણ ચક્રવાત બિપરજાેયનો સામનો કરવો પડ્યો હતો.
